2016 jyly májilistiń maquldaýy men prezıdenttiń qol qoıýyn kútip turǵan Jol júrý erejesine qatysty birtalaı ózgertýler bar. «Qamshy» portaly Otyrar arnasyna silteme jasap kúshine enýi múmkin sol ózgertýlerdi nazarlaryńyzǵa usynady.
Jańa jyldan bastap avtojolaýshylar kólikten polıseıdiń ruqsatynsyz shyǵa alatyn bolady
Sonymen, birinshisi – jańa jyldan bastap avtojolaýshylar kólikten polıseıdiń ruqsatynsyz shyǵa alatyn bolady. Zańǵa bul ózgertý májilistiń alǵashqy oqylymynda maquldandy.
Qazaqstandyq saqtandyrý kompanıalarynyń quqyǵyn keńeıtý
Ekinshisi – qazaqstandyq saqtandyrý kompanıalaryna jol apaty bolǵan jaǵdaıda jol qyzmetine talaptardy qoıý quqyǵyn berýi múmkin.
Keı aıyppuldar qataıa túsedi dep kútilýde
Úshinshisi – keı aıyppuldar qataıa túsedi dep kútilýde. Máselen, múmkindigi shekteýli tulǵalar mas kúıde kólik basqarsa, júrgizý quqyǵynan aıyrylýy múmkin. Ózgertilmegen zańǵa sáıkes, múmkindigi shekteýli tulǵalarǵa tek aıyppul salý qarastyrylǵan.
Operatıvti qyzmet kólikterine jol bermegender kóbirek aıyppul tóleıtin bolady
Tórtinshisi – eger júrgizýshi dabyldatyp kele jatqan jedel nemese arnaıy qyzmet kóligine jol bermegen bolsa, burynǵydaı 7 emes, 10 AEK kóleminde aıyppul tóleıtin bolady. Eger dabylmen kele jatqan arnaıy belgileri bar kólikti ótkizbese 30 AEK kóleminde aıyppul tóleıdi (búginde 10 AEK). Jyl ishinde erjeni qaıta buzatyn bolsa, aıyppul 15 AEK-den 50 AEK-ge deıin ósetin bolady.
Alkogólge nemese esirtkige medısınalyq kýálandyrýdan bas tartqandardyń jazasy qataıtylady
Besinshisi – alkogólge nemese esirtkige medısınalyq kýálandyrýdan bas tartqandardyń jazasy qataıtylady. Májilismender mundaı jaǵdaıda júrgizýshini 2 jylǵa emes, 3 jylǵa kólik aıdaý quqyǵynan aıyrýdy usynýda.
Turaq erejesin buzýǵa qarastyrylǵan aıyppul azaıtylady
Altynshysy – turaq erejesin buzýǵa qarastyrylǵan aıyppul azaıtylady. Májilismender turaq erejesin buzǵandarǵa 10 AEK emes 3 AEK kólimende aıyppul salǵan jetkilikti dep sanaıdy. Al múgedekterge arnalǵan turaqqa kóligin qoıǵandar 50 AEK ornyna 5 AEK tóleý máselesi qarastyrylýda.
«Ádemi» memlekettik nómirler tizimi keńeıtilmek
Jetinshiden – «ádemi» memlekettik nómirler tizimin keńeıtpek. Endi OOO, ZZZ sıaqty nómirler jáne 717, 838 sıaqty aınaly nómirler satylatyn bolady. Aınaly nómir quny 150 myń teńge, al ádemi áriptermen bolsa, 300 myń teńge bolady dep kútilýde.
Kólikti úsh ólshemdi aerografıamen bezendirýge tyıym salý
Segizinshisi – kólikti úsh ólshemdi aerografıamen bezendirýge tyıym salý. Bul ózgeris qoǵamda birtalaı kelispeýshilikter týdyrdy. Sebebi, «úsh ólshemdi aerografıanyń» ne ekeni naqty túsindirilmegen.
Eki ólshemdi sýret salǵan jaǵdaıda qansha qabatqa deıin sýret salýǵa bolatyny da kórsetilmegen. Aqyry polıseıler kez-kelgen aerografıalyq sýretke tyıym salýǵa bel býdy. Alaıda aerografıa uǵymyna ne jatatyny sol beti naqtylanbaǵan.
Birneshe ret jol apatyna túskenderge saqtandyrý quny qymbattatylýy múmkin
Toǵyzynshysy – birneshe ret jol apatyna túskenderge saqtandyrý quny qymbattatylýy múmkin. Bul usynysty Qazaqstannyń qarjygerler qaýymdastyǵy jasaǵan.
Kishigirim jol apatyna qujattardy jol polısıasy ınspektorlarynsyz rásimdeý múmkindigi
Onynshysy – kishigirim jol apatyna qujattardy jol polısıasy ınspektorlarynsyz rásimdeý múmkindigi. Eýroprotokol dep atalatyn bul ádiste júrgizýshiler oqys jaǵdaıdy ózderi kýálandyryp, jolda kedergi bolýdan tezirek qutylýǵa múmkindik alady. Rásimdelgen qujatpen zardap shegýshi tarap saqtandyrýshydan tólem talap ete alady dep kútilýde.
Velosıpedshilerge qatysty ózgerister
On birinshisi – velosıpedshilerge qatysty ózgerister. Naqtyraq aıtqanda, elektroqozǵaltqyshtary bar velosıpedterdi zańdastyrý. Velosıpedshilerdiń quqyǵyn keńeıtetin birtalaı ózgerister engiziletin bolady.
Qazaqstan İİD bolsa, baǵdarshamnyń tike júrýge tyıym salatyn sátinde ońǵa burylýǵa ruqsat berý máselesin qarastyrýda.
Eski kólikterdi ákelýge qatysty ózgerister
On ekinshisi – 1 jyldan 3 jylǵa jylǵa deıingi merzimdegi shetel kólikterin ákelý úshin 50 AEK, ıaǵnı 99 myń teńge mólsherinde tólem jasaýy tıis bolady. Al kólik merzimi 3 jyldan asqan bolsa, salyq mólsheri 500 AEK, ıaǵnı 991 myń teńge bolmaq.
Búginde Qazaqstanda 4 mln 400 myń kólik tirkelgen, olardyń jartysyna 18 jyl tolǵan.
Medısınalyq qarsy kórsetimder
Eń sońynda bekitilgen normaǵa toqtalsaq. Qazaqstannyń Densaýlyq saqtaý jáne áleýmettik damý mınıstri 2015 jylǵy 4 qarashadaǵy №853 buıryǵymen kólik basqarýǵa tyıym salatyn medısınalyq qarsy kórsetimder tizimin bekitti.
