Forbes jýrnaly dástúrine saı bıyl da álemniń eń baı adamdarynyń tizimin jasady. Tizimdi Microsoft kompanıasynyń negizin salýshylardyń biri Bıll Geıts bastap tur. Onyń baılyǵy 76 mıllıard AQSH dollary dep baǵalanady.

Bıll Geıtsten keıingi orynda meksıkalyq mıllıarder, 72 mıllıard AQSH dollar dáýletke ıe Karlos Slım Elý tur. Bıll Geıts reıtıń jasalyp kele jatqan 20 jylda 15 jyl boıy álemniń eń baı adamy atanyp, biraq sońǵy tórt jylda Karlos Slımnen keıingi orynǵa túsken edi. Jýrnaldyń esepteýinshe, álemde mıllıarderleri eń kóp el AQSH atanǵan. Munda 492 mıllıarder shyqqan. Ekinshi orynda 152 mıllıarder shyqqan Qytaı, úshinshi orynda 111 mıllıarderi bar Reseı tur. Bıyl Forbes-tyń álemniń eń baı adamdary tizimine Qazaqstannan bes adam kirgen. Olardyń arasynda Qazaqstan prezıdenti Nursultan Nazarbaevtyń qyzy Dınara Qulybaeva da bar. Ýkraınadan bıyl yqpaldy magnattar Rınat Ahmetov pen Vıktor Pınchýk mıllıarder atanǵan.