سوڭعى جاڭالىقتارعا  قاراعاندا، رەسەيدىڭ اسكەري پوليسياسى تاۋەلسىز قازاقستان مەملەكەتىندە جاساقتالىپ  جاتىر. ماسەلەن، 05 ناۋرىز  كۇنى  ازاتتىق راديوسى تومەندەگى اقپاراتتى جاريالادى: «رەسەيدىڭ قازاقستانداعى اسكەري بولىمدەرىندە اسكەري پوليسيا بولىمشەلەرى قۇرىلىپ جاتىر دەپ حابارلايدى بۇگىن رەسەي قورعانىس كۇشتەرى ورتالىق اسكەري وكرۋگىنىڭ باسپا ءسوز قىزمەتى».

     ۋكرايناداعى جاعداي  كوردىك. قىرىمداعى رەسەي ارەكەتى اقىلعا قونىمسىز، ال، ەندى كەشە عانا قازاقستان جەرىندەگى سارىشاعاندا اسكەري پوليگوندا رەسەي زىمىرانىن سىنادى، شىعىس قازاقستان وبلىسىنداعى ورىس كازاكتارىنىڭ اتقا ءمىنۋى، ءبىزدىڭ مەملەكەت باسشىسىنىڭ شۇعىل تۇردە ماسكەۋگە بارىپ، «ەۋروازيالىق وداق» دەگەن "ءميفتى" شىندىققا اينالدىرۋعا جانتالاسا كىرىسۋى - وسىنىڭ ءبارى ءوڭىمىز بە، ءتۇسىمىز بە؟.. رەسەي ەندى كەلىپ، قازاق جەرىنەن ۇزاق جىلعا جالعان العان وزدەرىنىڭ اسكەري پوليگوندارىنا اسكەري پوليسيا قۇرىپ، ولاردى ارنايى اسكەري جابدىقتارمەن، ساۋىت كەۋدەشەمەن، تراۆماتيكالىق تاپانشامەن، رەزەڭكە تاياقتارمەن، كىسەندەرمەن جابدىقتاپ جاتقانى تۋرالى ازاتتىق راديوسى حابارلاپ وتىر. سوندا، رەسەيدىڭ اسكەري پوليسياسى قازاقستان حالقىمەن كۇرەسپەگەن دە، ايدالاداعى ۋكراينا ازاتكەرلەرىمەن ەمەس، اقش، باتىس ەلدەرىمەن مۇندا قالاي كۇرەسپەك؟ سوندا قازاقستان بۇگىننەن باستاپ قايتادان رەسەي بودانى بولعانى ما؟ ورىس قازاقستان سياقتى تاۋەلسىز مەملەكەتكە وزدەرىنىڭ اسكەري پوليسياسىن نەگە قۇرادى؟ مىنا ونسىز دا تەكسىز، قۇل-قۇتان ورىسقۇل بيلىكتەگىلەرىمىز - كۇلبىلتەلەمەي، جاسىرىپ، جاپپاي، وسى ءقازىر قازاقتىڭ "ءوتى جارىلىپ" كەتسە دە، نەگە اششى شىندىقتى بەتىنە جايىپ سالمايدى؟ سونىمەن، قازاقستان تاۋەلسىزدىگىنەن ايرىلىپ، قايتادان رەسەي وتارى بولدى ما، جوق پا؟..

جۇماش كوكبورى