قوستاناي وبلىسىنىڭ 100 مىڭ گەكتار جەرى رەسەي زىمىران تاسىعىشتارىنىڭ قالدىقتارىن ءتۇسىرۋ ءۇشىن بەرىلۋى مۇمكىن. كوزدەلگەن تەرريتورياعا تورعايعا قاراستى الىپ اۋماقتىڭ ءبىر بولىگى، ءتىپتى ەرەكشە قورعاۋعا الىنعان "التىن دالا" ايماعى كىرىپ كەتكەن، - دەپ حابارلايدى «قامشى» پورتالى 31-ارناعا سىلتەمە جاساپ.

رەزەرۆتەگى اۋماقتىڭ كولەمى 500 مىڭ شارشى شاقىرىم. 2012 جىلى كيىكتەر ءوسىپ- ءونىپ، جايىلاتىن مەكەن رەتىندە قۇرىلعان. ازىرگە بىردە ءبىر قۇزىرلى مەكەمە ارنامىزعا رەسمي جاۋاپ بەرگەن جوق. تەك  عالامتور بەتتەرىندە جەرگىلىكتى بيلىك وكىلدەرى اۋماق سورتاڭ جەر بولعاندىقتان بەرىلۋگە دايىندالىپ جاتقانىن ايتقان اقپارات قانا بار. ال جەر بەرۋ ماسەلەسى كوتەرىلگەن قوستاناي وبلىسى اكىمدىگىنىڭ  تابيعات رەسۋرستارى جانە تابيعاتتى پايدالانۋ باسقارماسىنىڭ قۇجاتىن  فەيسبۋك جەلىسىنىڭ قولدانۋشىسى جولىمبەت ماكىش ەسىمدى ازامات جاريا ەتكەن. اقشىعاناق اۋىلىنىڭ ماڭىندا ەكى جىل بۇرىن ءدال وسىنداي ماقساتتا 40 مىڭ گەكتار جەر بەرىلگەن. ايتا كەتەيىك، 2015 جىلدىڭ 12 مامىرىنان باستاپ ەلىمىزدىڭ ءۇش وڭىرىندە   - قوستاناي، اقمولا، اقتوبە وبلىستارىندا اقبوكەندەر جاپپاي قىرىلعان بولاتىن. الدىن-الا بولجام بويىنشا، كيەلى جانۋار سانالاتىن كيىكتەر پوستەرەللەز دەرتىنەن ءولدى دەلىنگەن بولاتىن.