دوساي  كەنجەتاي: قازاقستان تاۋەلسىزدىك الگاندا كىرىم، كاۆكاز، التاي، قازان، ۋفا تۇركىلەرى قاتتى قۋاندى، ۇمىتتەندى. ولاردىڭ ويىنشا، تۇركىلىك تۇعىردى وسى قازاق ەلى اتقارادى دەپ سەندى. ال، ءبىز ولار تۋرالى ويلانىپ تا جاتپادىق. سەبەبى ، باستان ساياساتتىڭ تىزگىنىن بەرىپ، رەسەيگە جالتاقتىقپەن قالت- قۇلت ساياسات جاساپ، ايتقانىن ورىنداپ، كوڭىلىن قالدىرماي كەلەمىز. ولار رەسەي فەدەراسياسى ىشىندەگى وتار قانداستارىمىزدىڭ ءۇمىتى ەدى، ال ەندى "ماڭگىلىك دوستىق" پاكەتى شە؟ ورداباسى توبەسىندە وزبەك، قىرگىز جانە قازاق بولىپ قول قويگان بولاتىن. ونىڭ جولىن دا رەسەي جاۋىپ تاستادى. رەسەيدى قويا بەر، امەريكا دا بۇل وداقتىڭ ورلەۋىنە دە دامۋىنا دا قارسى ەكەندىكتەرىن دالەلدەدى. كەشەگى "سوۆەتولوگيا" ەندى امەريكا تاراپىنان باسقاشا تۇجىرىمدالا باستادى. امەريكا ورتالىقتارى ءبىزدىڭ ورتاق قۇندىلىقتارىمىزعا "عىلىمي تۇرعىدان" سوققى بەرۋگە باعىتتالىپ جاتىر. كەشە ەۆروپاسەنتيرزم مەن وريەنتاليستيكاگا، ورىس شىعىستانۋشىلىعىنا قارسى تويتارىس بەرەتىن ورتالىق قۇرا المادىق. قايتا سولاردىڭ سويىلىن سوعىپ، ءوزىمىزدى جاتتى زەرتتەپ جاتقانداي شەكەمىزدەن قارادىق. بۇگىن وسى جاعدايلارعا تاعى دا قارسى تويتارىس بەرەتىن ورتالىق قۇرىپ جاتىرمىز با؟ عىلىمي نەگىزدە؟ تاۋەلسىزدىك العالى بەرى عىلىمي نەگىزدە، ورتاق تۇعىردا قانداي ورتالىق قۇردىق؟..  كەشەگى "سوۆەتتىك تۋركولوگياعا" قوش ايتتىق، ءبىراق ەندى وزىمىزگە قاجەتتى تۋركولوگيالىق باعىتتى، مۇددەنى، تۇعىردى، مەتودولوگيانى، فيلوسوفيالىق، ونتولوگيالىق، اكسيولوگيالىق تۇتاستىقتاعى "ءبىز" دەي الاتىن ماقسات انىقتاي الدىق پا؟..

فب پاراقشاسىنان