«اتامەكەن» ۇلتتىق كاسىپكەرلەر پالاتاسى وتاندىق ينۆەستورلاردى مەملەكەتتىك-جەكە مەنشىك سەرىكتەستىك باعدارلاماسىنا بەلسەندى قاتىسۋعا شاقىردى، - دەپ حابارلايدى «قامشى» پورتالى.
قازاقستاندىق كومپانيالار مەملەكەتتىك-جەكە مەنشىك سەرىكتەستىك شەڭبەرىندە ىسكە اسىرۋ كوزدەلگەن جوبالار باعدارلامالارىندا ۇستەم بولۋى ءتيىس. اسىرەسە، ەگەر الەۋمەتتىك ماڭىزدى نىساندار تۋرالى ءسوز قوزعالعان كەزدە. بۇگىن «اتامەكەن» ۇلتتىق كاسىپكەرلەر پالاتاسىنىڭ ءتورالقا ءتوراعاسى تيمۋر قۇلىبايەۆ وسىنداي پىكىر ايتتى.
«مجس بويىنشا مەن كاسىپورىندار ءتىزىمىن قاراپ شىقتىم (استانادا – رەد.) – وندا ۆوكزالدار، تۇراقتار، مەكتەپكە دەيىنگى بالالار مەكەمەلەرى بار. ماعان مەكتەپكە دەيىنگى مەكەمەلەر قۇرىلىسىن جۇرگىزۋگە ءتورت شەتەلدىك ءوتىنىشتىڭ بار ەكەندىگى قىزىق كورىندى، ياعني ءتورت قىتايلىقتىڭ ءوتىنىشى»، – دەدى تيمۋر قۇلىبايەۆ استانا ق. كاسىپكەرلەرىنىڭ جىل سايىنعى ءىىى كونفەرەنسياسى بارىسىندا.
«قۇرمەتتى ارىپتەستەر! ءبىز شەتەلدىك ينۆەستورلاردى ۇلكەن كاپيتالعا، تەرەڭ عىلىمعا (جوبالارعا – رەد.) مۇقتاج، ولاردى وزدەرىنىڭ بىلىمدەرىن قولدانا الاتىن، ينۆەستيسيالار اكەلەتىن جەرلەرگە عانا شاقىرايىق. ونىڭ ۇستىنەن، بىزدە ىسكەر ايەلدەر كەڭەسى بار، مەكتەپكە دەيىنگى مەكەمەلەر قۇرىلىسىن سولارعا بەرەيىك. مۇنداي زاتتاردى ءبىز ءوزىمىز دە جاساي الامىز»، – دەگەن ۇسىنىس جاسادى «اتامەكەن» ۇكپ ءتورالقا ءتوراعاسى.
استانا كاسىپكەرلەرى بۇل ۇندەۋدى قۋانا قولدايتىندىقتارىن جەتكىزدى.
پىكىر قالدىرۋ