عالامتوردا قازىرگى قورعانىس ءمينيسترى يمانعالي تاسماعامبەتوۆتىڭ ەلىمىزدىڭ بۇرىنعى پرەمەر-مينيسترى اكەجان قاجىگەلديندى ايىپتاعان ۆيدەوسى جاريالاندى، - دەپ حابارلايدى «قامشى» پورتالى.

ۆيدەوعا يمانعالي تاسماعامبەتوۆتىڭ الدەبىر مىنبەدە رەسمي بايانداما جاساپ تۇرعان ءساتى تۇسىرىلگەن. بايانداماشىنىڭ سوزىنە قاراعاندا بۇل وقيعا ونىڭ پرەمەر-مينيستر كەزىندە (2002-2003 جىلدار) بولسا كەرەك.

بايانداماسىندا ي. تاسماعامبەتوۆ ءا. قاجىگەلديندى كوررۋپسيالىق قىلمىستارعا تىكەلەي قاتىسى بار، سالىق تولەۋدەن جالتارعان قىلمىسكەر دەپ ايىپتايدى.

«پرەزيدەنت ونى قولداپ، كوتەرمەلەدى. مەن ونى كوردىم. سىزدەردىڭ دە ءبىرازىڭىز كوردىڭىزدەر. ءبىراق، ول جوعارى سەنىمگە لايىقتى ادام بولماي شىقتى»، - دەيدى ي. تاسماعامبەتوۆ.

بۇعان دەيىن ءۇoutube جەلىسىندە ي. تاسماعامبەتوۆتىڭ كەزىندە ەلباسىنىڭ قۇپيا بۇيرىعىمەن شەت ەلدە اشىلعان قۇپيا ەسەپ-شوت تۋرالى مالىمدەمەسى جاريالانعان بولاتىن.