جۇڭگو وندىرىستىك قۋاتتىلىق پەن جابدىقتاردى شىعارۋ سالاسىنداعى حالىقارالىق ىنتىماقتاستىقتى كەڭەيتەدى. بۇل تۋرالى بۇكىلقىتاي حالىق وكىلدەرى قۇرىلتايىنىڭ (ءبحوق) جىل سايىنعى سەسسياسىنىڭ اشىلۋىندا قحر مەملەكەتتىك كەڭەسىنىڭ پرەمەرى لي كەسياننىڭ ۇكىمەت جۇمىسى تۋرالى بايانداماسىندا ءمالىم ەتىلدى، - دەپ حابارلايدى «قامشى» پورتالى قازاقپارات – قا سىلتەمە جاساپ.

«وندىرىستىك قۋاتتىلىقتار سالاسىندا جۇڭگو ءتيىستى تەتىكتەردى قالىپتاستىرۋدىڭ نەگىزىندە قازاقستان، ەفيوپيا، برازيليا جانە باسقا 14 ەلمەن ەكىجاقتى حالىقارالىق ىنتىماقتاستىقتى قۇردى»، - دەپ اتاپ وتىلەدى قۇجاتتا.

2016 جىلعا بەلگىلەنگەن نەگىزگى مىندەتتەردىڭ اراسىندا باستى ەلدەرمەن ماڭىزدى ونەركاسىپ وندىرىستەرىنە قاتىستى وندىرىستىك قۋاتتىلىقتار سالاسىنداعى ىنتىماقتاستىق جوبالارىنىڭ بانكىن قۇرۋ اتالىپ وتىلگەن.

«پروۆينسيالار مەن اۆتونومدىق اۋدانداردىڭ، باستى ەلدەرمەن جەتەكشى كاسىپورىنداردىق ىنتىماقتاستىق تەتىگىن قۇرىپ، جەتىلدىرۋ، كۇردەلى قاۋىپ-قاتەرلەردى باسقارۋ تەتىگىن جاقسارتۋ»، - دەلىنگەن باياندامادا.

ەلدىڭ جوعارى زاڭ شىعارۋشى ورگانى - بۇكىلقىتايلىق حالىق وكىلدەرى قۇرىلتايىنىڭ جىل سايىنعى سەسسياسى قىتايدا جىلدىڭ ەڭ ماڭىزدى ىشكى ساياسي وقيعاسى بولىپ ەسەپتەلەدى. ۇكىمەت جۇمىسىنىڭ ەسەبىن تىڭداعان 3 مىڭعا جۋىق دەپۋتات ەل بيۋدجەتىن قابىلداپ، ەلدىڭ 2016-2020 جىلدارى الەۋمەتتىك-ەكونوميكالىق دامۋىنىڭ ۆەكتورىن انىقتايتىن 13ء-شى بەسجىلدىقتىڭ جوباسىن تالقىلايدى.