قازاق جۇلدىزدارىنىڭ WhatsApp-تاعى "اڭگىمەسى" جۇرتقا كۇلكى سىيلادى، - دەپ حابارلايدى «قامشى» پورتالى Tengrinews.kz – كە سىلتەمە جاساپ.
"قىزىق Times" تەلەباعدارلاماسىنىڭ جىگىتتەرى WhatsApp جەلىسىندە قازاقستاندىق جۇلدىزدار نە تۋرالى اڭگىمەلەسۋى مۇمكىن ەكەنىن كورسەتۋ ماقساتىندا ازىلگە قۇرىلعان ۆيدەو جاسادى.
"8 ناۋرىز قارساڭىندا جىگىتتەردىڭ بارلىعىنىڭ كوكەيىندە قىزدارعا نە سىيلايمىز دەگەن سۇراق جۇرەدى. بۇل سۇراق ەسترادادا جۇرگەن ازاماتتارىمىزدى دا مازالايتىنى ءسوزسىز. ەندەشە قىزدارعا نە سىيلايمىز؟ جۇلدىزدارمەن اقىلداسىپ كورەيىك. سونىمەن، WhatsApp جەلىسى، جۇلدىزدى چات"، - دەيدى باعدارلاما جۇرگىزۋشىلەرى مارات ورالعازين مەن ەركەبۇلان مىرزابەك.
ۆيدەودا ءانشى بۇركىت قىزداردى دۋبايعا، بولماسا مالايزياعا اپارۋدى ۇسىنسا، قايرات نۇرتاس رەسەيلىك جۇلدىزدارمەن كونسەرت بەرۋدى العا تارتادى، ال تورەعالي تورەالى ءوزىنىڭ حيتكە اينالعان ءانىن ايتىپ وتىرادى.
ۆيدەو اۆتورلارىنىڭ ايتۋىنشا، روليكتە اتى اتالعان جۇلدىزدار جەلىدەگى "اڭگىمەنى" رەنجىمەي قابىلداپ، تۇسىنىستىك تانىتقان.
