پاۆلوداردا جول پوليسياسى قىزمەتكەرلەرى ۇرلانعان كولىكتىڭ ىزىنە ءتۇىپ، تالاپقا باعىنباعان جۇرگىزۋشى باسقارعان كولىكتى سوعىپ توقتاتتى، - دەپ حابارلايدى «قامشى» پورتالى.
وقيعا كەشە بولعان. پوليسياعا ولگينكا اۋلىنان دەۋ-ماتيز ماركالى كولىك ۇرلانعانى تۋرالى حابار تۇسەدى. كولىك پاۆلودار-لەبياجە تاسجولى بويىمەن وبلىس ورتالىعىنا قاراي كەتىپ بارا جاتقانى بەلگىلى بولادى.
جوعارى جىلدامدىقپەن كەتىپ بارا جاتقان كولىك جۇرگىزۋشىسى پوليسيا قىزمەتكەرلەرىنىڭ توقتاۋ تۋرالى تالاپتارىنا قۇلاق اسپايدى.
«ىزىنە تۇسكەن كەزدە ماشينا قالا كوشەلەرىمەن جوعارى جىلدامدىقپەن ءجۇرۋىن جانە جول ەرەجەسىن بۇزۋىن توقتاتپادى. كوشەلەردىڭ بىرىندە ول تويوتا-كامري كولىگىمەن سوقتىعىستى. اقىرىندا پوليسيانىڭ ۋاز ماركالى ارنايى كولىگىمەن توسقاۋىل قويۋ ارقىلى توقتاتىلدى»، - دەلىنگەن پوليسيا تاراتقان حابارلامادا.
الايدا، پوليسەيلەردىڭ ءبىرى توقتاعان كولىكتىڭ ەسىگىن اشقان كەزدە جۇرگىزۋشى قايتادان ءجۇرىپ كەتىپ، پوليسەيدى ءبىراز جەرگە دەيىن سۇيرەپ كەتكەن.
پىكىر قالدىرۋ