كتك تەلەارناسىنىڭ بۇرىنعى باسشىسى، قوعام قايراتكەرى ارمان شۋرايەۆ ءماسليحات سايلاۋىنا وزدەرىن ۇسىنعان ۇمىتكەرلەردىڭ سايلاۋ دوداسىنان الىنىپ تاستالۋىنا قاتىستى پىكىر ءبىلدىرىپ، ەل باسشىلىعىن سايلاۋدى مۇلدەم وتكىزبەي قويۋعا شاقىردى، - دەپ حابارلايدى «قامشى» پورتالى.
جۋرناليست بۇل تۋرالى ءوزىنىڭ فەيسبۋكتەگى پاراقشاسىندا جاريالادى.
«مەن سايلاۋدى مۇلدەم وتكىزبەي-اق قويۋعا شاقىرامىن. «نۇر وتان» پارتياسىنىڭ ۇمىتكەرلەرىن تۇگەل دەپۋتات ەتىپ بەكىتە سالايىق. سونىمەن ءىس ءبىتتى. قانشاما ميللياردتى ۇنەمدەپ قالامىز. كەيبىر قىزۋ سايلاۋ كوميسسيالارى سايلاۋدى كەزەكتى فارسقا اينالدىرىپ جاتقانى قىنجىلتادى. «نۇر وتاننىڭ» جەڭەتىنى بارىنە تۇسىنىكتى. ەگەر سايلاۋ دوداسىنا وزگەشە پىكىر ايتقان بولسا، بۇل مەملەكەتكە قاتەر توندىرە مە؟»، - دەيدى ا. شۋرايەۆ.
بۇعان دەيىن ءبىرقاتار بەلسەندىلەر سايلاۋعا ءوز كانديداتۋرالارىن ۇسىنعان بىرنەشە ۇمىتكەردىڭ ساياسي دودادان سايلاۋ كوميسسيالارىنىڭ شەشىمىمەن الىنىپ تاستالعانىنا نارازىلىق بىلدىرگەن بولاتىن.
پىكىر قالدىرۋ