ءبىز بيداي مەن ۇندى ەكسپورتتاۋدان الەمدىك كوشباسشىلاردىڭ قاتارىندامىز دەپ ماقتانامىز. ءبىراق، ەلىمىزدەگى ءىرى اگروكومپانيالاردىڭ قارىزى 5-6 ملرد دوللارعا جەتتى. كوبىسى ءقازىر بانكروت الدىندا تۇرعاندىقتان، كوكتەمگى ەگىستىك ناۋقانىن باستاي الماي وتىر. اگروسەكتورداعى قارجىلىق احۋالدى رەتتەۋ ءۇشىن 300 ملرد تەڭگە اقشا بولىنگەنىمەن، پروبلەما تۇپكىلىكتى شەشىلمەيدى. ويتكەنى، بۇل قارجىلار بانكتەر ارقىلى شارۋالارعا 7 پايىزبەن بەرىلەدى. 7 پايىز وتە كوپ! ديحاندار ۇزاق مەرزىمگە ءارى ارزان نەسيەمەن قامتاماسىز ەتىلمەيىنشە، ولەرمەن حالدە جۇرە بەرەدى. وسىدان 5-6 جىل بۇرىن ەۋروپالىق وداق بيۋدجەتىنىڭ 50 پايىزىن اگرارلىق سۋبسيديالارعا بولەتىن. جەر ولاردى نەسىبەسىز قالدىرمايتىنىنا دانىگىپ العان. ال ءبىزدىڭ جەر قۇنارلى عوي، تۇگىن تارساڭ مايى شىعادى. ءبىر عانا اگروسەكتوردى دامىتۋ ارقىلى شالقىپ وتىراتىن قازاق ەدىك... اتتەڭ....