ۋكراينانىڭ ورنىنان تايدىرىلعان بۇرىنعى پرەزيدەنتى يانۋكوۆيچ 11-ناۋرىزدا، سەيسەنبى كۇنى مالىمدەمە جاساماق 10-ناۋرىز كۇنى «ۋكراينسكايا پراۆدا» گازەتى: «ۋكراينانىڭ ەكس-پرەزيدەنتى ۆيكتور يانۋكوۆيچ دونداعى روستوۆتا تاعى ءبىر باسپا ءسوز ءماسليحاتىن وتكىزىپ، مالىمدەمە جاساماق» دەپ حابارلادى. باسىلىم بۇل مالىمەتتى يانۋكوۆيچ اينالاسىنداعىلاردان العانىن، سونداي-اق ولار: «ونىڭ دونداعى روستوۆتىڭ قاي جەرىندە، ساعات نەشەدە بولاتىنىن قوسىمشا حابارلايتىنىن» ايتادى. ءقازىردىڭ وزىندە ول ءماسليحاتتىڭ ءتۇس كەزىندە بولاتىنى بەلگىلى كورىنەدى. ۆ.يانۋكوۆيچتىڭ دونداعى روستوۆتا بۇعان دەيىن 28-اقپاندا باسپا ءسوز ءماسليحاتىن وتكىزگەنى ەستەرىڭىزدە بولار. ۆ.يانۋكوۆيچ ۇستىمىزدەگى 2014 جىلدىڭ 22-اقپانىندا ۋكراينا جوعارى راداسىنىڭ شەشىمىمەن ورنىنان الىنىپ، وعان حالىقارالىق ىزدەۋ جاريالانعان بولاتىن. ال، يانۋكوۆيچ بولسا، ءالى كۇنگە ءوزىن ۋكراينا پرەزيدەنتى سانايتىن كورىنەدى. ...سونىمەن يانۋكوۆيچ اڭگىمەسى تاعى جالعاسىن تاباتىن بولدى. ورنىنان تايدىرىلعان، قاشىپ بارىپ، رەسەيدە باسساۋعالاعان، رەسەي مەملەكەتى باسشىسىنان ۋكرايناعا رەسەي قارۋلى كۇشتەرىن ەنگىزۋدى سۇراعان، حالىقارالىق ىزدەۋدەگى يانۋكوۆيچتىڭ بۇل جولى قانداي مالىمدەمە جاسايتىنى بەلگىسىز. ءبىراق، بۇل ادامنىڭ ارتىندا كىمدەردىڭجانە قانداي ساياسي كۇشتەردىڭ تۇرعانى جۇمباق بولماسا كەرەك. شەتەل اقپارات قرالدارىنان دايىنداعان جۇماش كوكبورى

11.03.2014 جىل