بۇگىن «استانا ەكسپو-2017» ۇلتتىق كومپانياسىنىڭ بۇرىنعى باسشىسى تالعات ەرمەگيايەۆ پەن ءبىر توپ لاۋازىمدى تۇلعانىڭ ۇستىنەن قوزعالعان قىلمىستىق ءىس بويىنشا سوت وتىرىسى باستالدى، - دەپ حابارلايدى «قامشى» پورتالى.

بۇگىن اتالعان ءىس بويىنشا الدىن الا سوت تىڭداۋىنا كۇدىكتى تالعات ەرمەگيايەۆ كەلدى. قىلمىستىق ىستەر بويىنشا مامانداندىرىلعان اۋدانارالىق سوتتا پروسەسكە قاتىسۋشىلار تانىستىرىلىپ، العاشقى سوت تالقىلاۋىنىڭ مەرزىمى بەلگىلى بولادى. ءىستى قىلمىستىق ىستەر بويىنشا مامانداندىرىلعان اۋدانارالىق سوت ءتوراعاسى ءادىلحان شايحيسلاموۆ قارايدى.

سوت زالىنا قاراۋىلمەن اكەلىنگەن تالعات ەرمەگيايەۆ ءۇي قاماققا الىنعان تاعى باسقا كۇدىكتىلەرگە بەلگىلەنگەن ستولعا جايعاستى. ولاردىڭ ىشىندە ۇلتتىق كومپانيانىڭ دەپارتامەنت باسشىسى قاجىمۇرات ۇسەنوۆ تە بار.

ال، قاماۋعا الىنعان كۇدىكتىلەر ارنايى كابينا ىشىنە كىرگىزىلدى. ولاردىڭ سانى – جەتەۋ. بۇلاردان باسقا سوت پروسەسىنە كەپىلدىك تۇرىندەگى بۇلتارتپاۋ شاراسى قولدانىلعان وزگە دە كۇدىكتىلەر سوتقا اكەلىندى.

سوتتىڭ قاراۋىنا 9 ناۋرىزدا تۇسكەن قىلمىستىق ءىس 500 تومنان تۇرادى.

تالعات ەرمەگيايەۆتىڭ ۇستىنەن وتكەن جىلى ماۋسىم ايىندا قىلمىستىق ءىس قوزعالىپ، ءۇي قاماققا الىنعان بولاتىن. ونىمەن بىرگە اتالعان ءىس بويىنشا 20-دان استام كۇدىكتى تەرگەلۋدە. ولارعا 10 ميلليارد تەڭگەدەن استام كومپانيميا قارجىسىن جىمقىردى دەگەن ايىپ تاعىلدى.