23-24 ناۋرىز كۇندەرى الماتى قالاسىندا قازاقستاننىڭ مەيبۋكان گودزيۋ-ريۋ كاراتە-دو فەدەراسياسى جەكپە-جەكتىڭ وسى تۇرىنەن بالالار مەن جاسوسپىرىمدەر، جاستار مەن ەرەسەكتەر اراسىندا قازاقستان چەمپيوناتىن وتكىزەدى، - دەپ حابارلايدى «قامشى» پورتالى.

جارىسقا رەسپۋبليكامىزدىڭ ءار وڭىرىنەن بالالار مەن جاسوسپىرىمدەر، جاستار مەن ەرەسەكتەر اراسىنان ون ءۇش كوماندا قاتىساتىن كورىنەدى.

«وكيناۆالىق مەيبۋكان گودزيۋ-ريۋ – كاراتەنىڭ ءداستۇرلى، جاۋىنگەرلىك قالپىن وزگەرىسسىز ساقتاپ قالعان جەكپە-جەك ءتۇرى. ول تەك سپورتتىق شىنىعۋعا عانا ەمەس، قويان-قولتىق ۇرىس جۇرگىزۋگە، قورعانۋعا باعىتتالعان. جەكپە-جەكتىڭ بۇل ءتۇرىن قازىرگى تاڭدا امەريكا، رەسەي، پولشا، چەحيا جانە قازاقستان رەسپۋبليكاسى سىندى ءبىرقاتار ەلدەر پرەزيدەنتتەرىنىڭ جەكە كۇزەتى قىزمەتتەرى پايدالانادى»، - دەلىنگەن فەدەراسيا تاراتقان باسپا ءسوز حابارلاماسىندا.

قاتىسۋشىلار كاراتەنىڭ كاتا جانە كۋميتە تۇرلەرى بويىنشا سايىسقا تۇسەدى. جارىس بارىسىندا وكيناۆالىق كاراتەنىڭ بۋنكاي، تامەشيۆاري سەكىلدى ادىس-تاسىلدەرى كورسەتىلەدى. جەڭىمپازدار ارنايى مەدالدار مەن كۋبوكتار، باعالى سىيلىقتارمەن ماراپاتتالادى.