سوت تۇتىنۋشىلاردىڭ قۇقىقتارىن بۇزۋعا اكەلگەن باسىمدىق جاعدايدى تەرىس پايدالانعان Kcell كومپانياسىنا 16 054 ملن. تەڭگە مولشەرىندەگى ايىپپۇل سالۋ جونىندەگى باسەكەلەستىكتى قورعاۋ اگەنتتىگىنىڭ تالابىن قولدادى.

«كسەلل» اكسيونەرلىك قوعامى (بۇدان بىلاي - كومپانيا نەمەسە كسەلل) (LSE، KASE: KCEL)، كومپانياعا قارسى سوت ىسىندە 1ء-شى ساتىداعى سوتتىڭ قازاقستان رەسپۋبليكاسىنىڭ باسەكەلەستىكتى قورعاۋ اگەنتتىگىنىڭ (بۇدان بىلاي - بقا) پايداسىنا شەشىم شىعارعاندىعىن حابارلايدى. ءىس Activ برەندىسىمەن كورسەتىلەتىن «كۇندىزگى ءليميتسىز» تاريفتىك جوسپارى بويىنشا ەسەپتەۋ مەحانيزمىنە جانە Kcell برەندىسىندە ابونەنت تەڭگەرىمىنىڭ 0-گە جەتكەنىندە قىزمەت كورسەتۋدى توقتاتپاۋىنا قاتىستى مونوپولياعا قارسى زاڭناما بولىگىندەگى مۇمكىن بولاتىن بۇزۋشىلىققا قاتىستى. بقا كومپانيا تۇتىنۋشىلارىنىڭ قۇقىقتارىن بۇزۋعا اكەلگەن باسىمدىق جاعدايدى تەرىس پايدالانعان دەپ ايىپ تاقتى. سوت قازاقستان رەسپۋبليكاسىنىڭ اكىمشىلىك قۇقىق بۇزۋشىلىقتار تۋرالى كودەكسىنىڭ 147 بابىنىڭ 3 بولىگىنە سايكەس 16 054 ملن. تەڭگە مولشەرىندەگى ايىپپۇلدى قولدادى»، - دەپ جازادى كومپانيانىڭ باسپا ءسوز قىزمەتى.

شەشىم 2014 جىلدىڭ 7 ناۋرىزىندا جاريالانعان. سوت شەشىمى ءالى زاڭدى كۇشىنە ەنبەدى. كومپانيا اكىمشىلىك قۇقىق بۇزۋشىلىقتار تۋرالى كودەكستەگى سوڭعى وزگەرىستەردى ەسەپكە الا وتىرىپ، ايىپپۇلدىڭ (ول قولدانىلعان جاعدايدا) سوتتىڭ ءقازىر قولدانعانىنداي، تۇتاستاي داۋىستىق قىزمەتتەردەن تۇسەتىن تابىستىڭ 10%-ى ەمەس، بۇزۋشىلىق ايماعىنان الىنعان تابىستىڭ 10%-ى كولەمىندە بولۋى ءتيىس ەكەندىگىنە سەنىمدى.

"قازاقپارات"