اقتاۋ قالاسىندا Range Rover اۆتوماشيناسىنىڭ ىشىنەن ەر كىسىنىڭ ءمايىتى تابىلدى. بۇل تۋرالى قۇقىق قورعاۋ ورگاندارىنىڭ دەرەگىنە سۇيەنگەن Lada.kz حابارلادى.
وقيعا 8 ناۋرىز كۇنى ورىن العان. قالاداعى 10-شاعىن اۋداننىڭ №2 ءۇيى جانىندا تۇرعان Range Rover اۆتوكولىگىنىڭ كابيناسىنان اقتاۋداعى 9-شاعىن اۋداننىڭ 35 جاستاعى تۇرعىنىنىڭ ءولى دەنەسى شىققان.
قايتىس بولعان جىگىتتىڭ دەنەسىنەن كوزگە كورىنەتىن جاراقاتتار بايقالماعان. اتالمىش فاكتىگە بايلانىستى سوت-مەديسينالىق ساراپتاماسى بەلگىلەندى.
وبلىستىق اۋرۋحانادا جاس جىگىتتىڭ ءولىپ كەتۋىنە ەسىرتكىنى شامادان تىس پايدالانۋ سەبەپ بولعان دەگەن بولجام ايتىلىپ جاتىر.
حاميت مۇستافا.
