رەسەيدە اپاتقا ۇشىراعان ۇشاقتا قازاقستان ازاماتتارى جوق، - دەپ حابارلايدى «قامشى» پورتالى قازاقپاراتقا سىلتەمە جاساپ

«الدىن الا اقپاراتقا سايكەس اپاتقا ۇشىراعان ۇشاقتا قازاقستاندىقتار بولعان جوق. ءبىرقاتار باق-تا ەكيپاج مۇشەلەرى اراسىندا قازاقستاننىڭ ازاماتى نەمەسە تۋماسى بولعاندىعى جايىندا اقپارات تارادى. بۇل مالىمەت قازىرگى ۋاقىتتا تەكسەرىلۋدە»، - دەدى ق ر سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى انۋار جايناقوۆ.

سونىمەن قاتار ول ناقتى مالىمەتتەر الىنعاننان كەيىن قوسىمشا اقپارات بەرىلەتىندىگىن ايتقان. 

ايتا كەتەيىك، دۋبايدان ۇشىپ كەلە جاتقان Flydubai اۋە كومپانياسىنا تيەسىلى Boeing 737-800 جولاۋشىلار ۇشاعى رەسەيدىڭ دونداعى روستوۆ قالاسى اۋەجايىنىڭ ۇشۋ-قونۋ جولاعىنىڭ سول جاعىندا قۇلادى. الدىن الا مالىمەتتەر بويىنشا، قايعىلى وقيعا استانا ۋاقىتىساعات 06.50-دە ورىن العان. اۋە كەمەسىنىڭ بورتىندا 61 ادام بولدى (55 جولاۋشى مەن ەكيپاجدىڭ 6 مۇشەسى). جولاۋشىلاردىڭ اراسىندا ءتورت بالا بار.

بۇعان دەيىن ۇشاق ىشىندە ۋكراينا، وزبەكستان، ءۇندىستان ازاماتتارى بولدى دەپ حابارلانعان ەدى.