شىعىس قازاقستان وبلىسىندا قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي مەكتەپ وقۋشىلارى اراسىندا شايبالى حوككەيدەن «جۇلدىزشا» ءىىى وبلىستىق ءتۋرنيرى باستالدى، - دەپ حابارلايدى «قامشى» پورتالى وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

ايماقتىڭ ءاربىر اۋدان-قالالارىنان كەلگەن 16 كوماندا ناۋرىزدىڭ 23-ىنە دەيىن ب ا ق سىناپ، رەسپۋبليكالىق سايىستا وبلىس نامىسىن قورعايتىن كوماندا انىقتالادى.

ءبىرىنشى بولىپ مۇز الاڭىنا شىققان وسكەمەن جانە سەمەي قالالارى اراسىنداعى ويىندى وبلىس اكىمى دانيال احمەتوۆ تاماشالادى.

وبلىس تۇرعىندارىنا سالاۋاتتى ءومىر مەن حوككەي ويىنىن ناسيحاتتاعان شىعىس قازاقستان وبلىسى اكىمىنىڭ ورىنباسارى جاقسىلىق ومار حوككەي الاڭىنا كونكيمەن شىقتى. تۋرنيردە ءبىرىنشى ويىندى وتكىزگەيى تۇرعان ەكى كوماندا كاپيتاندارىنا ءداستۇرلى تۇردە شايبانى تاستاپ، «جۇلدىزشا» ماۋسىمىن باستادى.

– ءبىزدىڭ ايماق قازاقستاندىق حوككەيدىڭ وتانى. ءدال وسى مۇز ايدىنىندا باعىن سىناپ، جاتتىعىپ، وبلىستىڭ كەيىن ەلىمىزدىڭ نامىسىن قورعاعان بىرنەشە حوككەيشىلەر شىققان. سوندىقتان سىزدەرگە دە بۇگىنگى تۋرنيردە جەڭىس پەن ساتتىلىك تىلەيمىن، – دەيدى جاقسىلىق ومار مىرزا.

          جالپى سانى 16 كوماندا قاتىسىپ وتىرعان «جۇلدىزشا» ءتۋرنيرى ناۋرىزدىڭ 23-ىنە دەيىن جالعاسادى. ارتىنشا تاعى «تورپەدو كۋبوگى» ءتۋرنيرى ءوتىپ، جەڭىسكە جەتكەن كوماندا رەسپۋبليكالىق چەمپيوناتتا وبلىس نامىسىن قورعاۋعا جولداما الادى.