مەنىڭ قولىما تۇركياداعى وتكەن قازاقتىڭ دارا پەرزەنتى  حاسەن ورالتاي تۋرالى  «HASAN ORALTAY» دەگەن كىتاپ كەلىپ ءتۇستى. بۇل ەڭبەك  ول كىسى قايتىس بولعاننان كەيىن سول ەلدە جارىق كورگەن ەكەن.  ماريەم حاكىم  قارىنداسىم:

«اسا قۇرمەتتى،  جۇماش كەنەباي اعا!

ەڭ جاقسى تىلەكتەرمەن،

ءماريام حاكىم،

12 اقپان 2014 جىل، كونيا قالاسى» دەپ قول  قويعان ەكەن.

بۇگىندە انكارادا ءبىر ۋنيۆەرسيتەتتىڭ ۇستازى، پروفەسسور، مارقۇم حاسەكەڭنىڭ  جاقىن قارىنداسى ءماريام حاكىمدى بۇرىننان جاقسى تانيمىن. كوزى اشىق، كوكىرەگى وياۋ، تۋرا حاسەن ورالتاي سىندى ناعىز الاششىل، تۇرىكشىل، قازاقشىل  ءماريام حاكىم سىندى قازاق قىزىن مەن قاشاندا ماقتان تۇتىپ جۇرەمىن.

ماعان ارنايى جىبەرگەن بۇل ولشەۋسىز سىيلىعىنا العىستان باسقا ايتارىم جوق!

اتالمىش كىتاپ وتە كولەمدى (ا-4 فورماتىمەن باسىلعانەكەن) جانە تۇرىك تىلىندە جازىلعان. ارا-اراسىندا ءبىزدىڭ كيريللشە دە ماقالالار، ولەڭدەر، كوڭىل ايتۋلار كەزدەسىپ قالادى.كىتاپتا حاسەن ورالتاي قايتىس بولعاندا ءوز قولىممەن جازىپ، «دات» جوباسىندا، «قازاقستان كوممۋنيسى»، «www.tanym.tv» سايتىندا جارىق كورگەن: «ءومىرى «ەلىماي-لاپ» وتكەن حاسەن ورالتاي قايتىس بولدى» دەگەن ماقالام، سول قازاناماعا قول قويعان قازاقتىڭ بەلگىلى تۇلعالارى: عابباس قابىش ۇلى، سەرىكبولسىن ءابدىلدين، قابدەشجۇمادىل، مۇحتار شاحانوۆ، ۋاقاپ قىدىرحان ۇلى، ءفادلي ءالي، اسىدلى وسمان، عازيز الدامجاروۆ، امانگەلدى كەرىمتايەۆ، قيال سابدالين، عالىمجان جاقيانوۆ، تولەن تقتاسىنوۆ، جۇماش كەنەباي، زاۋرەش باتتالوۆا، ەرمۇرات باپي، باقىتگۇل ماكىمباي، تىلەۋحان ماجەن، راقىم ايىپ ۇلى، باۋىرجان جاقىپ، دوس كوشىم، بولات دۇيسەمبىنىڭ ەسىمدەرى ەنگەن ەكەن.

سونداي-اق، باسقا دا ەلىمىزگە تانىمال ادامداردىڭ ەستەلىكتەرى ەنگىزىلگەن. ولاردىڭ اراسىندا حاسەكەڭنىڭ قاراماعىندا «ازاتتىق» راديوسىندا قىزمەرت ەتكەن ساياسات بەيىسبايدىڭ، ت.ب. ەسىمدەرى ەلگە بەلگىلى قالامگەرلەردىڭ دە ماقالالار بار. بۇل كىتاپ جونىندە تولىق ماعلۇماتتى الداعى ۋاقىتتاردىڭ بىرىندە وقي الاتىن بولاسىزدار.

جۇماش كەنەباي