قازاقستاندىق ۆولەيبولشى ءسابينا التىنبەكوۆا، سىرت كەلبەتىمەن كوزگە ءتۇسىپ ءىراز ەلدى دۇرلىكتىرگەن بولاتىن. الايدا، توكيو قالاسىنداعا جاپوندىق GSS Sunbeams كلۋبىندا ايتارلىقتاي جۇلدىزى جانا قويمادى. سپورتشى قىز ءوزىنىڭ بۇرىڭعى كومانداسى "الماتى" كلۋبىنا قايتا ورالدى،- دەپ حابارلايدى «قامشى» پورتالى Today.kz – كە سىلتەمە جاساپ.

جارتى جىلدا، جاپونيادا بولعان ۋاقىتىندا، 19-جاسار سپورتشى قىز توكيوداعى جەرگىلىكتى چەمپيوناتتىڭ ەكىنشى ديۆيزيونىندا ويىن كورسەتە المادى. جاڭا ماۋسىم باستالار كەزدە ءسابينا التىنبەكوۆا جاراقات العان، سودان سوڭ فورماسىن قالىپتاستىرۋمەن بولعان. ۆولەيبولشى قىز جاپونياعا بەيىمدەلۋ بارىسىندا كەيبىر قيىنشىلىقتارعا تاپ بولعان، سوندىقتان توكيالىو كلۋب قىزدى قازاقستانعا جاتتىعۋعا جىبەرگەن. اقپاندا جاپونيالىق چەمپيونات اياقتالعان. ءسابينا التىنبەكوۆانىڭ كومانداسى جالپى ەسەپتە ءۇشىنشى ورىن الدى.

وسىدان كەيىن "الماتى" ۆولەيبول كلۋبى التىنبەكوۆانى 21 ناۋرىزدا وسكەمەندە باستاۋ العان قازاقستان چەمپيوناتىنىڭ پلەي-وفف كەزەڭىنە قاتىستىردى. ءبىرىنشى ويىندا ءسابينا تەك تىركەۋدە عانا بولىپ قويماي، ءبىرىنشى پارتيانىڭ سوڭىندا الماسىپ ويىن كورسەتتى. الايدا الماتىلىق كلۋب "يرتىش-كازحروم" 0:3 ەسەبىمەن جەڭىلىسكە ۇشىرادى.

ايتا كەتۋ كەرەك، جاپونيادا سەزوننىڭ اياقتالۋىنان كەيىن GSS Sunbeams كلۋبىنىڭ پرەزيدەنتى اكيرا فۋەكي ويىندا قازاقستاندىق سپورتشىنىڭ شىقپاعانى ءۇشىن ءسابينا التىنبەكوۆانىڭ فاناتتارىنان كەشىرىم سۇرادى.پرەزيدەنتتىڭ ايتۋىنشا، ولار ءسابينانىڭ تەزىرەك بەيىمدەلۋىنە بار جاعدايدى جاساعان، الايدا ۆولەيبولشى قىز ءوزىن جايسىز سەزىنگەن.

ەستەرىڭىزگە سالا كەتەيىك، ءسابينا التىنبەكوۆا 2015 جىلدىڭ تامىز ايىندا جاپوندىق كلۋبقا اۋىسقان بولاتىن. 2014 جىلى ازيا چەمپيوناتىنىڭ ەڭ ادەمى سپورتشى قىز اتاعىن بەرگەن قىتايلىق جۋرناليستتەردىڭ ارقاسىندا ۇلكەن تانىمالدىلىققا يە بولعان.