قىتايدا دارى-دارمەكتەردى زاڭسىز ساتۋمەن اينالىستى دەگەن كۇدىكپەن 37 ادام قاماۋعا الىندى، - دەپ حابارلايدى قازاقپارات سينحۋا اگەنتتىگىنە سىلتەمە جاساپ.
تەرگەۋشىلەردىڭ مالىمەتىنشە، ولار قۇتىرۋ، ۆ گەپاتيتى جانە پوليومەليتكە قارسى ۆاكسينالاردى جوعارى باعامەن قايتا ساتۋمەن اينالىسقان ءىرى جەلىنىڭ ىزىنە ءتۇستى.
بيزنەستى شاندۋن پروۆينسياسىندا ۇستالعان كەلىنشەك پەن ونىڭ قىزى ۇيىمداستىرعان. حابارلانىپ وتىرعانداي، ولار 2011 جىلدان باستاپ ليسەنزياسى بار جانە زاڭسىز وندىرۋشىلەردەن دارى-دارمەكتەر ساتىپ الىپ، ولاردى قارا بازاردا نەمەسە اۋرۋحانالارعا ساتقان، دەپ جازادى ۆۆس.
بۇل رەتتە دارى-دارمەكتەردى ساقتاۋ جانە تاسىمالداۋ تالاپتارى ساقتالماعان. بەس جىلدىڭ ىشىندە ايەل زاڭسىز ساۋدادان 88 ملن. دوللار پايدا تاپقان.
پىكىر قالدىرۋ