شامامەن 1 ساعاتتان كەيىن پارلامەنتتىڭ VI شاقىرىلىمى ءبىرىنشى سەسسياسىنىڭ اشىلۋىنا ارنالعان قوس پالاتانىڭ بىرلەسكەن وتىرىسى وتەدى، - دەپ حابارلايدى «قامشى» پورتالى 24.kz-كە سىلتەمە جاساپ.

جيىنعا ەلباسى نۇرسۇلتان نازاربايەۆ قاتىسادى دەپ كۇتىلۋدە. ازىرگە بەلگىلى بولعانداي، بىرلەسكەن باسقوسۋ اياقتالعاننان كەيىن ءماجىلىستىڭ جالپى وتىرىسى ءوز جۇمىسىن باستايدى.

ايتا كەتكەن ءجون، 20 ناۋرىزدا ءماجىلىس جانە بارلىق دەڭگەيدەگى ءماسليحات دەپۋتاتتارىنىڭ سايلاۋى وتكەن بولاتىن. ونىڭ قورىتىندىسى بويىنشا تومەنگى پالاتاعا «نۇر وتان» پارتياسىنان 84، «اق جول» مەن قازاقستان كوممۋنيستىك حالىق پارتياسىنىڭ ءارقايسىسىنان 7 دەپۋتات، ال قازاقستان حالقى اسسامبلەياسىنان 9 دەپۋتات سايلاندى.

وسىلايشا، ءماجىلىس تولىق قۇرامدا جۇمىسقا كىرىسپەك. ارينە 2 اي ۇزىلىستەن كەيىن قارايتىن زاڭ جوبالارى جەتەرلىك. سونىڭ شىندە «ۇلت جوسپارى» مەن 5 ينستيتۋسيونالدىق رەفورمالاردى زاڭدىق تۇرعىدا قامتاماسىز ەتۋ – باستى مىندەتتىڭ ءبىرى. قوس پالاتانىڭ بىرلەسكەن وتىرىسىن ساعات 10.00-دە ارنامىزدىڭ تىكەلەي ەفيرىنەن كورە الاسىزدار.