قازاقستاندىق كاسىپقوي بوكسشى قانات يسلام جەكپە-جەگىن استانادا وتكىزە الار ەدى، ءبىراق ونىڭ تاڭداۋى اقش-تىڭ مايامي قالاسىنا ءتۇستى، - دەپ حابارلايدى «قامشى» پورتالى قازاقپاراتقا سىلتەمە جاساپ.

8 مامىردا بۇل قالادا ونىڭ كەلەسى جەكپە-جەگى وتەدى. قارسىلاسىنىڭ ەسىمى الداعى ۋاقىتتا جاريالانادى.

«مەنى ەلوردالىق كلۋبقا شاقىردى، ءبىراق ولاردىڭ بوكس كەشى دە مامىر ايىنا ءتۇسىپ تۇر. سوندىقتان ءبىز ءبارىن ويلاستىرىپ، ءماياميدى تاڭدادىق. بولاشاقتا استاناداعى كەشكە دە قاتىسا الامىن دەپ ويلايمىن»، - دەگەن سوزدەرىن كەلتىرەدى ۆكونتاكتە الەۋمەتتىك جەلىسىندەگى ق.يسلامنىڭ رەسمي پاراقشاسى.

بۇدان باسقا، بۇعان دەيىن قانات يسلام قىتايدا جەكپە-جەك وتكىزۋ مۇمكىندىگى تۋرالى مالىمدەگەن.

«بۇل باعىتتا جۇمىس جۇرگىزىلىپ جاتىر. قازىرگى كەزدە مەن ماياميدەگى بوكس كەشىنە دايىندالىپ جاتىرمىن. كەزدەسۋدى قىتايدا وتكىزۋ نۇسقالارى ودان كەيىن قاراستىرىلادى»، - دەپ باياندادى قانات يسلام.

قانات يسلام كاسىبي رينگتە 20 جەكپە-جەك وتكىزىپ، بارلىعىندا جەڭىسكە جەتتى، سونىڭ 17ء-ىن نوكاۋتپەن اياقتادى. بوكسشى ءبىرىنشى ورتاشا سالماقتا (69 كەلى) WBA Fedelatin جانە WBA FideCaribe نۇسقالارى بويىنشا الەم چەمپيونى.