«استانا ەكسپو-2017» ۇلتتىق كومپانياسىنىڭ ەكس-باسشىسى تالعات ەرمەگيايەۆتىڭ جۇرگىزۋشىسى بولعان سايات نادىربايەۆ تۇتقىندالدى، - دەپ حابارلايدى «قامشى» پورتالى.

س. نادىربيەۆتىڭ تۇتقىندالانى تۋرالى ونىڭ قورعاۋشىسى ايمان وماروۆا حابارلادى. ادۆوكاتتىڭ ايتۋىنشا، جەمقورلىققا قارسى قىزمەت وكىلدەرى س. نادىربايەۆتىڭ ۇستالعانى تۋرالى ونىڭ كاملەتتىك جاسقا تولماعان قىزىنا تەلەفون ارقىلى حابارلاعان.

«ءبىز كەشە سايات نادىربايەۆتىڭ ۇستالعانى تۋرالى بىلدىك. ول كەشكى التىلار شاماسىندا ۇستالعان، ءبىراق ونىڭ ۇستالعانى تۋرالى ساعات توعىزدار شاماسىندا حابارلاعان. مەن بارىپ، قورعاۋىمداعى ازاماتتى كورمەك بولعان ەدىم. مەنى وعان جىبەرمەدى. بۇل جەمقورلىققا قارسى قىزمەت تاراپىنان زاڭسىزدىق بولىپ تابىلادى»، - دەيدى ا. وماروۆا. سونداي-اق، ادۆوكات س. نادىربايەۆتى تۇتقىنداۋ تۋرالى حاتتامانىڭ كوشىرمەسىن دە الا الماي وتىرعانىن ايتقان.

بۇعان دەيىن، «استانا ەكسپو-2017» كومپانياسىنىڭ بۇرىنعى باسشىسى ت. ەرمەگيايەۆتىڭ جۇرگىزۋشىسى سايات نادىربايەۆقا جەمقورلىققا قارسى قىزمەت وكىلدەرى بيۋدجەت قارجىسىن جىمقىرۋعا جانە سۋبمەردىگەر كومپانيالاردىڭ بىرىنەن ءبىر ميلليارد تەڭگە كولەمىندەگى سىياقىنى ەرمەگيايەۆتىڭ وزىنە بەرۋگە جاردەمدەستى دەگەن ايىپ تاعىلعان بولاتىن.

ايمان وماروۆا فەيسبۋك جەلىسىندە س. نادىربايەۆتىڭ ايەلى ايدانىڭ ءسوزى جازىلعان ۆيدەو جاريالادى.

ەستەرىڭىزگە سالساق، «استانا ەكسپو-2017» كومپانياسىنىڭ بۇرىنعى باسشىسى ت. ەرمەگيايەۆ بىلتىرعى جىلى ماۋسىم ايىندا ءۇي قاماققا الىنىپ، اسا ءىرى كولەمدە قارجى جىمقىردى دەگەن ايىپ تاعىلعان بولاتىن. ءقازىر اتالعان ءىس بويىنشا تەرگەۋ اياقتالىپ، سوت پروسەسى جۇرۋدە.