1 ءساۋىر كۇنى الماتى قالاسى ىقىلاس اتىناداعى حالىق مۋزىكالىق اسپاپتارى مۋزەيىندە «داۋلەسكەر كۇيشى، جازۋشى، ونەرتانۋشى تالاسبەك اسەمقۇلوۆتىڭ دومبىراسى مۋزەي ساحناسىندا» اتتى مۋزىكالى-تانىمدىق كەش وتەدى، - دەپ حابارلايدى «قامشى» پورتالى.

كەشتە حالىق ءارتىسى دوسقان جولجاقسىنوۆ، سىنشى ءاليا بوپەجانوۆا،  بەلگىلى كۇيشى-كومپوزيتور، اكادەميك سەكەن تۇرىسبەكوۆ، ق ر ەڭبەك سىڭىرگەن قايراتكەرلەرى: جارقىن شاكارىموۆ، جانعالي ءجۇزباي، ارداق يساتايەۆا. ق ر مادەنيەت قايراتكەرى مۇرات ءابۋعازى، ءانشى ەرلان تولەۋتاي، باعلان ءبابىجان جانە حالىقارالىق جانە رەسپۋبليكالىق كونكۋرىستاردىڭ لاۋرەاتتارى: اردابي ماۋلەت ۇلى، سىرىم نۇرمولدين، رۋستەم نۇركەنوۆ، ايساربەك اقياشيەۆ، مۇقتار ءادىل جانە رەسپۋبليكالىق جىر ءمۇشايرالارىنىڭ جەڭىمپازى، اقىن ەربول الشىنباي ت.ب. ونەر كورسەتەدى. سونداي-اق تالاسبەك اسەمقۇلوۆتىڭ ءومىرى مەن شىعارماشىلىعى، قازاق ونەرى مەن مادەنيەتىنە قوسقان زور ۇلەسى جايلى ەستەلىكتەر ايتىلادى.

كەشكە الماتى قالاسى مۋزەيلەر بىرلەستىگىنىڭ ماماندارى، زيالى قاۋىم وكىلدەرى، ونەرتانۋشىلار مەن كينو ماماندارى، ستۋدەنت جاستار، تۋعان-تۋىستارى جانە اقپارات قۇرالدارى قاتىسادى.

كەشتىڭ وتەتىن ورنى: الماتى قالاسى، زەنكوۆ كوشەسى 24 ا. مۋزەي عيماراتى.

ۇيىمداستىرۋشىلاردىڭ بايلانىس تەلەفوندارى: 291 69 17، 291 63 16