جاقسى تانيتىن ءبىر ازامات اڭشىلىق قارۋ-جاراق دۇكەندە جۇمىس جاسايدى. سونىڭ ايتۋىنا قاراعاندا بيزنەستىڭ بۇل تۇرىمەن نەگىزىنەن ورىس ازاماتتارى اينالىسادى ەكەن. سوڭعى كەزدە اڭشىلىققا ارنالعان قارۋ تۇرلەرىمەن، ءتىپتى كالاشنيكوۆ اۆتوماتىنا دەيىن ساۋدا بەلسەندىرەك بولا ءتۇسىپتى. الۋشىلار باعاسىنا قاراپ جاتپايدى. ىشىندە قازاقتار وتە از.

«Informnapalm» سايتىنىڭ جازۋىنشا قازاقستاندا اسكەري-ساياسي احۋال ناشارلاپ، رەسەيشىل كۇشتەردىڭ جاعدايدى ۋشىقتىرۋ ىقتيمالدىلىعى ارتا تۇسكەن. قازاقستاندا رەسەيشىل كۇشتەر بەلسەندىلىگىنىڭ ارتا ءتۇسۋى بارىسىنا جاسالعان ساراپتاما سوڭعى 1،5 جىلدا ەلدىڭ قازىرگى بيلىگىنە ايتارلىقتاي ءقاۋىپ ءتونىپ تۇرعاندىعىن بايقاتادى. اسىرەسە ءوز باسىم سۋىق قارۋ ۇستاۋعا رۇقساتى بار «وحراننىي» كومپانيالاردان قورقامىن.

قۇداي ونىڭ بەتىن اۋلاق قىلسىن، بۇگىنگى تاڭدا قازاقستان اۋماعىندا «قىرىم» سەنارييىنە ۇقساس سەنارييدى ىسكە قوسۋعا ءازىر جاعداي قالىپتاسقان. ول رف ىشكى ساياسي جاعدايى كۇرت ناشارلاعاندا نەمەسە قازاقستاندا رەجيم اياق-استىنان وزگەرگەن جاعدايدا ىسكە اسۋى ىقتيمال.

مۇنىڭ ۇستىنە وككۋپاسيالانعان دونباستا جاۋىنگەرلىك ءىس-قيمىلدارعا قاتىسقان قازاقستاندىق ازاماتتار «تاجىريبەمەن» ەلگە ورالىپ جاتىر. ونىڭ ۇستىنە رەسەيشىل كازاك-سلاۆيان بىرلەستىكتەرىنىڭ بەلسەندىلىگى تاعى بار. سايتتىڭ جازۋىنشا دونباستا باندىلىق قۇرىلىمداردا قىزمەت ەتكەن قازاقستاندىقتاردىڭ 26 پايىزى – وسكەمەننەن، 17 پايىزى الماتىدان ەكەن. استانا، قوستاناي، قاراعاندى، پەتروپاۆلوۆسك قالالارىنان دا بار. 
رەسەيشىل توپتاردىڭ ىشىندە نۇرلان يگەنوۆ دەگەن مىنا سياقتى قازاق جىگىتتەر دە بار كورىنەدى. ول دونباستا رەسەيشىلدەر جاعىندا سوعىسقان. 
سوندىقتان دا بيلىكتىڭ دە، قازاق ازاماتتارىنىڭ دا بەي-جاي وتىرۋىنا بولمايدى. قازاقستان تاۋەلسىزدىگىن ساقتاپ قالاتىنداي مۇمكىندىكتەردىڭ ءبارى قاراستىرىلۋى كەرەك!

مارات توقاشبايەۆتىڭ فەيسبۋكتەگى پاراقشاسىنان الىندى.