وسى فب-دا جانە كەيبىر باق-تا مۇقاڭ - مۇقتار شاحانوۆ تۋرالى ءبىراز ارتىقتاۋ ءسوز جازىلىپ جاتقانىن كورىپ جاتىرمىز. و باستاعى ءپرينسيپىم سول - بىزدە كوزى ءتىرى ەشكىمنىڭ جەكە باسىنا تابىنۋ بولماۋى كەرەك! جانە دە وتكەن مۇقاڭ ۇيىمداستىرعان قۇرىلتايعا قاتىستى سىني پىكىرىمدى مەن دە كەزىندە ايتقانمىن، ءبىر ايتارىم - ەشكىمنىڭ جەكە باسىنا تيىسكەنىم جوق، دالەلسىز اقپارات تاراتقانىم جوق. ءبىراق، جاقسىنىڭ جاقسىلىعىن ايت دەگەن تاعى بار. مۇقاڭ - اقىن ءارى ازامات رەتىندە جاڭاشا قازاق تاريحىندا ءوز ورنىن ويىپ العان بيىك تۇلعا! ارينە، ساياسات بولعاندىقتان ءارتۇرلى قادامدار بولادى. مەنىڭ تۇسىنۋىمشە، مۇقاڭ ساياساتقا حالقى، ۇلتى ءۇشىن ارالاستى. سوندىقتان اعامىز تۋرالى ءارتۇرلى الىپ-قاشپا اڭگىمەنى ەڭ الدىمەن، ءبىز، قازاقتار ءوزىمىز، دوعارعانىمىز دۇرىس بولار. سويلەسەك، جەكە باسقا تيىسپەي، وسەك ءسوز جيناماي، بيىك، حالىقتىق تۇرعىدان ءسوز سويلەيىك، كەرەك بولسا، ورتاق ءىستى جاقسارتۋ تۇرعىسىندا سىن دا ايتايىق. كەيبىر مۇقاڭدى جانە باسقا دا بيلىككە سىن ايتۋشىلاردى سىناپ-مىنەۋدى ۇناتاتىن قازاق ءتىلدى سايتتارعا ايتارىم مىناۋ: سوزدەرىڭىز، سىندارىڭىز وسەك ەمەس، كەسەك بولسىن! ۇلتتىق پلاتفورماداعى كۇشتەر مەن تۇلعالاردىڭ ەتەگىنە باسقالاردىڭ دا جارماسىپ جاتقانى جەتەر! ولارعا سىزدەر قوسىلماي-اق قويىڭىزدار! سىناساڭىزدار، ەلدى، ۇلتتى وسىنداي ءمۇساپىر جاعدايعا جەتكىزگەن اعىمداعى بيلىكتى سىناپ كورىڭىزدەر!
ءامىرجان قوسانوۆ
(فب پاراقشاسىنان)
