"ەل ارنا" تەلەارناسى جابىلىپ، ال وعان جىل سايىن ءبولىنىپ وتىرعان 2 ميلليارد تەڭگە باسقا جوبالارعا جۇمسالادى، - دەپ حابارلايدى Tengrinews.kz ءتىلشىسى ق ر ەكونوميكا جانە بيۋدجەتتىك جوسپارلاۋ ءمينيسترى ەربولات دوسايەۆقا سىلتەمە جاساپ.

پارلامەنت ماجىلىسىندە 2014 جىلعى رەسپۋبليكالىق بيۋدجەتكە وزگەرىستەر ەنگىزۋ تالقىلانعاندا، دەپۋتاتتار ە.دوسايەۆتان "ەل ارنا" تەلەارناسىنىڭ نەلىكتەن جابىلاتىندىعىن، ال ەگەر جابىلسا، نەگە وعان قايتادان اقشا بولىنەتىندىگىن سۇرادى. "ءبىر جاعىنان، ءبىز جىل سايىن 2 ميلليارد تەڭگە بولەمىز، ال رەيتينگتەر ارقىلى بۇل ارنا 300 ميلليون تەڭگە جينايدى. ەكىنشى جاعىنان، قازاقستان پرەزيدەنتى قازان ايىندا تەك ساپالى جانە قاجەتتى كونتەنتتى تەلەارنالاردى قالدىرۋ جونىندە تاپسىرما بەردى. بۇگىندە "ەل ارنا" تەلەارناسى كونتەنتتەرىنىڭ (ونىمدەرىنىڭ) جارتىسى ساتىپ الىنعان نەمەسە اۋدارىلعان، ال وزدەرىنىكى از، – دەدى مينيستر. "وسى "ەل ارنا" تەلەارناسىنا بولىنەتىن ەكى ميلليارد تەڭگەنىڭ جارتىسىن ءبىز "24.kz" ارناسىنا بەرەمىز، شەت ەلدەردە ايماقتىق جاڭا تىلشىلەر قوسىنى اشىلادى. بۇعان ميلليارد تەڭگە جۇمسالادى. ال 992 ميلليون تەڭگەنى ەكى جاڭا فيلم تۇسىرۋگە بولەمىز، – دەپ ءتۇسىندىردى ول. دەپۋتاتتار تاراپىنان ءىس جۇزىندە "ەل ارنا" تەلەارناسىنىڭ رەيتينگى تومەن ەمەس دەگەن پىكىرلەر ايتىلدى. ماجىلىسمەندەر بۇل ارنانى نەگىزىنەن قازاق ءتىلدى كورەرمەندەر كورەتىندىگىن باسا ايتتى. دەپۋتاتتاردىڭ پىكىرىنشە، رەيتينگتەردە تەك قالا تۇرعىندارىنىڭ پىكىرلەرى ەسەپكە الىنعان، بۇل تۇرعىدا اۋىل تۇرعىندارىنىڭ دا پىكىرلەرىن بىلگەن دۇرىس. سونداي-اق، پارلامەنتتەگىلەر ۇكىمەت كەرىسىنشە وتاندىق ارنالاردىڭ سانىن كوبەيتۋ كەرەك ەكەندىگىنە كوڭىل اۋداردى. وسىلاي ىشكى اقپاراتتىق قاۋىپسىزدىكتى كۇشەيتۋگە بولاتىندىعى دا ايتىلدى. دەپۋتاتتار قازىرگى ۋاقىتتا قازاقستاندىقتار شەت ەلدەردەگى جاعدايلاردى كوبىنەسە باسقا مەملەكەتتەردىڭ ارنالارى ارقىلى بىلەتىندىگىن تىلگە تيەك ەتتى. ەستەرىڭىزگە سالا كەتەيىك، بىلتىر نۇرسۇلتان نازاربايەۆ ق ر مادەنيەت جانە اقپارات مينيسترىنە سانى كوپ مەملەكەتتىك ب ا ق سالاسىن رەتكە كەلتىرۋدى تاپسىرعان بولاتىن. "سىزدەر قوماقتى قارجى جۇمساپ وتىرسىزدار عوي! مەملەكەت ەشقاشان ب ا ق ءۇشىن وسىنشا اقشا بولمەگەن. بيۋدجەتى قارالعاندا قايدا قارايدى؟ "بiلiم" مەن "مادەنيەت" – مەنىڭ تۇسىنىگىمدە ناقتى ءبىر ارنا. وسى ارنالاردى قاراساڭ – كونتەنت جوق، تابا المايدى. ساۋساقتان سورادى. حايۋاناتتار دۇنيەسىن جانە قايداعى تاريحي فيلمدەردى كورسەتەدى. بولدى. بۇل ارنالاردىڭ ءارقايسىسىندا قانشاما ادام جۇمىس ىستەيدى، ال شىعارماشىلىق جوق. CaspioNet ءقازىر "Kazakh TV" دەپ اتالدى، تاعى دا "24.kz" پايدا بولدى. بۇلاردىڭ ءبارى قازاقستاندا دا، الەمدە دە كورسەتىلەتىن ءبىر ارنا ەمەس پە؟ ساپالى جۇمىس جاساعاننىڭ ورنىنا، ءبىز تۇسىنىكسىز بىردەڭەلەر جاسايمىز، اقشانى شاشامىز، – دەگەن بولاتىن سوندا پرەزيدەنت. Tengrinews.kz