انشىلەردىڭ قاتىسۋىمەن بىلتىر باستالىپ، بيىل ەكىنشى رەت ۇيىمداستىرىلعان «جۇلدىزدى ايتىس» جۇرتشىلىقتىڭ نارازىلىعىنا تاپ بولدى. كيەلى ونەردى شۋلى شوۋعا اينالدىرعىسى كەلەتىندەردى ايتىسكەر اقىندار دا جونگە سالۋعا نيەتتى، - دەپ حابارلايدى «قامشى» پورتالى.
مىسالى، قاراعاندىلىق ايتىسكەر اقىن امانجول التايەۆ «بازار جوق» باعدارلاماسىمەن تانىلعان، بۇگىندە «جۇلدىزدى ايتىستىڭ» بەلدى «اقىنىنا» اينالعان قىلجاقباس قانات ءالجاپپاروۆقا قاراتا بىلاي دەپتى:
«قانات باۋىرىم، بويىڭدا ازاماتتىق نامىسىڭ بولسا، ۇلتتىق ونەرگە دەگەن قۇرمەتىڭ بولسا، ەندى ايتىس ساxناسىنا شىقپاۋىڭدى سۇرايمىن. ايتىس ونەرى ەرىككەننىڭ ەرمەگى ەمەس، ونەردى ولاي قورلاۋعا بولمايدى... قازاقتىڭ بالاسى بولساڭ ەندى قوي، اقىلىڭ جەتسە كەشىرىم سۇراساڭ دا ارتىق ەمەس. تورەعالي، ەركىن، روزا سەكىلدى اقىندىق تالانتى بار ونەر يەلەرىنىڭ ايتىسقا شىققانىن قولدايمىن،جىلى قابىلدايمىن. جانار، ۇلىقپان سەكىلدى ايتىستان اۋىلى الىس انشىلەرگە اقىلعا كەلىڭىزدەر دەمەكپىن. كيەلى ونەردىڭ كۇتىن قاشىرمايىق!».
اقىن بۇل ويىن ءوزىنىڭ فەيسبۋك جەلىسىندەگى پاراقشاسىندا جاريالادى.
بيىل ەكىنشى رەت ۇيىمداستىرىلعان شوۋعا "بازار جوق" تەاترىنىڭ ارتيستى قانات ءالجاپپاروۆتان باسقا ايگۇل يمانبايەۆا، ءمولدىر اۋەلبەكوۆا، ەركىن نۇرجانوۆ، مۇحتار نيازوۆ قاتىستى.
