ق ر پرەزيدەنتى اكىمشىلىگى جەتەكشىسىنىڭ ورىنباسارى مارات بەكەتايەۆ ورتالىق كوممۋنيكاسيالار قىزمەتىندە ءوتىپ جاتقان جاڭعىرتۋ جونىندەگى ۇلتتىق كوميسسيا مۇشەلەرىنىڭ باسپا ءسوز ءماسليحاتىندا جۋرناليستەردىڭ سۇراعىنا جاۋاپ بەرە كەلە، مەملەكەتتىك قىزمەتكەرلەر اراسىنان جەرگىلىكتى پوليسيا قىزمەتكەرلەرىنە سمارتفون ۇستاۋعا رۇقسات ەتىلەتىنىن ايتتى، - دەپ حابارلايدى «قامشى» پورتالى قازاقپاراتقا سىلتەمە جاساپ.

ال، مەملەكەتتىك قىزمەت ىستەرى جونىندەگى مينيستر تالعات دوناقوۆتىڭ ايتۋىنشا، جۇمىس ورنىندا سمارتفون پايدالانعان وزگە مەملەكەتتىك قىزمەتكەرلەر ءتيىستى زاڭناما بويىنشا تارتىپتىك جازاعا تارتىلادى. م.بەكەتايەۆ حابارلاعانداي، مەملەكەتتىك قىزمەتكەرلەر اراسىندا جەرگىلىكتى پوليسيا عانا سمارتفون ۇستاپ، ازاماتتاردان «WhatsApp» ارقىلى شاعىم قابىلدايدى. 

«جەرگىلىكتى پوليسيا قىزمەتىنە كەلسەك، ولارعا (جەرگىلىكتى پوليسياعا) «WhatsApp» ارقىلى حابارلامالار الۋعا مۇمكىندىك بەرىلەدى. جالپى، سمارتفون ۇستاۋعا تىيىم سالۋ تۋرالى ەرەجەنى دۇرىستاپ وقىساق، ەرەجە بويىنشا قۇپيا قۇجاتتار بار مەكەمەلەردىڭ قىزمەتكەرلەرى تۋرالى ايتىلعان. ال، ۋچاسكەلىك پوليسيانىڭ جۇمىس ورنى اۋدانداردىڭ اۋماعىن قامتىيدى، سوندىقتان، بايلانىس ءۇشىن وعان سمارتفون كەرەك»،-دەدى م.بەكەتايەۆ.