وڭىرلەردەگى اكىمدەردىڭ اقپارات قۇرالدارىنىڭ وكىلدەرىن «قارا تىزىمگە» ەنگىزۋگە حاقىسى جوق. بۇگىن ورتالىق كوممۋنيكاسيالار قىزمەتىندە جۋرناليستەردىڭ سۇراعىنا جاۋاپ بەرگەن مەملەكەتتىك قىزمەت ىستەرى جونىندەگى مينيستر تالعات دوناقوۆ وسىلاي دەدى، - دەپ حابارلايدى «قامشى» پورتالى.
«ءقازىر اقپاراتتىڭ اشىقتىعى تۋرالى زاڭ جۇمىس كۇشىنە ەندى. زاڭدا تايعا «اقپاراتتى شەكتەۋگە بولمايدى» دەپ انىق جازىلعان. سوندىقتان دا اكىمدەردىڭ جۋرناليستەردى «قارا تىزىمگە» ەنگىزۋگە قاقىسى جوق. كەرىسىنشە، زاڭدا اقپاراتتى شەكتەگەن ادام جازاعا تارتىلاتىنى دا ايتىلعان. سوندىقتان، ءبارىمىز وسى زاڭعا باعىنۋىمىز كەرەك»،-دەدى مينيستر ت. دوناقوۆ.
ال، ۆيسە-پرەمەر داريعا نازاربايەۆا وسى زاڭدا مەملەكەتتىك ورگاندار مەن ورتالىق جانە جەرگىلىكتى اتقارۋشى ورگانداردى كەز-كەلگەن قۇجات قابىلدانعاننان كەيىن ءۇش كۇننەن سوڭ ينتەرنەتكە جاريالاۋدى مىندەتتەيتىن نورما بولعاندىقتان اقپاراتتى شەكتەۋ ماسەلەسى وزىنەن-وزى جويىلاتىنىن ايتادى.
