قازاقستان بيلىگى اعىمداعى جىلدىڭ 1 شىلدەسىنە دەيىن 1،7 ميلليون گەكتار جەر ساتپاق، - دەپ حابارلايدى «قامشى» پورتالى.
جەكەنىڭ قولىنا وتەتىن جەر اۋكسيون ارقىلى ساتىلاتىن كورىنەدى. بۇل تۋرالى كەشە ۇلتتىق ەكونوميكا ءمينيسترى ەربولات دوسايەۆ ورتالىق كوممۋنيكاسيالار قىزمەتىندە وتكەن بريفينگتە مالىمدەدى.
ءمينيستردىڭ ايتۋىنشا، اۋكسيونعا قاتىساتىندار ءۇشىن ارنايى جەڭىلدىكتەر دە ازىرلەنىپ وتىرعان كورىنەدى.
«ءقازىر جەردى جالعا الىپ وتىرعان ارەنداتورلار ءۇشىن سول جەردى ساتىپ الۋعا ونىڭ كاداسترلىق قۇنىنان 50 پايىز جەڭىلدىك جانە 10 جىلعا دەيىن ءبولىپ تولەۋ مۇمكىندىگى قاراستىرىلىپ وتىر. ساتىلىمعا شىعاتىن جەر ۋچاسكەلەرىنىڭ كاداسترلىق باعاسى اۋكسيونداعى ستارتتىق باعا بولادى»، - دەگەن ە. دوسايەۆ.
ونىڭ ايتۋىنشا، ءقازىر ساتىلىمعا شىعارىلاتىن جەرلەر دايىندالۋدا. قازىرگى تاڭدا 645، گەكتار جەر نەمەسە 1271 جەكە جەر ۋچاسكەسى ساتىلىمعا شىعارۋعا دايىن تۇر.
بۇعان دەيىن قازاقستاندا جەكەشەلەندىرۋ باعدارلاماسىن جۇزەگە اسىرۋ اياسىندا پايدالى كەن ورىندارىنىڭ ءبىرقاتارى اۋكسيون ارقىلى ساتىلعان بولاتىن.
