رەسەيلىك دۇكەندەر جەلىسى قازاقستاندىق جەمىس-جيدەك پەن كوكونىسكە قىزىعۋشىلىق تانىتتى،- دەپ حابارلايدى «قامشى» پورتالى 24 kz-كە سىلەمە جاساپ.

ءىرى ساۋدا ورىن وكىلدەرى تالدىقورعان قالاسىندا وتاندىق تاۋار وندىرۋشىلەرمەن كەزدەسىپ، ارىپتەستىك ورناتۋ ماسەلەسىن تالقىلادى. كورشىلەر ونىمدەردى يمپورتتاۋ ءۇشىن دەلدالسىز قارىم-قاتىناس جاساپ، وندىرۋشىلەرمەن تىكەلەي جۇمىس ىستەۋدى كوزدەيدى.

دەلەگاسيا قۇرامىندا ءسىبىر مەن قيىر شىعىستىڭ 9 ءىرى ساۋدا جەلىسى وكىلدەرى بار. ولار قازاقستاننان اي سايىن 30 مىڭ توننا كوكونىس پەن جەمىس-جيدەك ساتىپ الۋعا دايىن. كەزدەسۋ بارىسىندا رەسەيدىڭ ساۋدا وكىلدەرى قازاقستانمەن قارىم-قاتىناستى نىعايتۋدىڭ ماڭىزدىلىعىن اتاپ ءوتتى.

رومان گورباتوۆ، بارناۋل قالاسى دۇكەندەرى جەلىسىنىڭ وكىلى:

- قازاقستان مەن رەسەي ەڭ جاقىن كورشىلەر، لوگيستيكا جاعىنان ءونىمدى ءتيىمدى جەتكىزۋ،تاسىمالداۋ ارزانعا تۇسەدى. مىسالى، سوناۋ تۇركيامەن سالىستىرعاندا، ەداۋىر ۇنەمدەۋگە بولادى. ياعني ساپالى ءونىمدى قىسقا مەرزىمدە الۋعا مۇمكىندىك تۋادى.

ەلەنا سارعالداقوۆا، كورمە ۇيىمداستىرۋ جونىندەگى كومپانيانىڭ باس ديرەكتورى:

- ءساۋىر ايىنىڭ سوڭىندا الماتىدا ريتەيلەردىڭ ۇلكەن جيىنى وتەدى. ول جەردە وزگە دە تاۋارلار مەن ونىمدەر كورسەتىلەدى. رەسەيدىڭ ساۋدا جەلىلەرىن كونسەرۆى ونىمدەرى، ەت، كيىم، اياق-كيىم مەن وزگە دە تاۋارلار قىزىقتىرادى.