اۋقاتتى كاسىپكەر ءالي بانات ءوزىنىڭ قاتەرلى ىسىك اۋرۋىنىنڭ ەڭ اۋىر ساتىسىندا ەكەنىن بىلگەننەن كەيىن جيعان دۇنيەسىن قايىرىمدىلىققا جۇمساۋعا شەشىم قابىلداعان، - دەپ حابارلايدى «قامشى» پورتالى www.ihsan.kz-كە سىلتەمە جاساپ.

مىنگەنى Ferrari Spider، سونىمەن قوسا بىلدەي ءبىر اۆتوموبيل پاركىنىڭ قوجايىنى، ءوزىنىڭ جەكەجايى بار، نە ىشەم، نە جەيمىن، اقشانى قايدا جەتكىزەمىن دەمەي ۋايىم-قايعىسىز قام كەشىپ جاتقان جىگىت ءومىر سۇرۋىنە 7 اي قالدى دەگەندى ەستىگەندە ءومىرى كۇرت وزگەرىپ كەتتى.

بيزنەسمەن افريكادا 200-دەن اسا جەسىرلەرگە ءۇي مەن 600-گە جۋىق جەتىم بالالارعا ارناپ جاتاقحانا سالىپ بەرمەكشى.

بۇدان وزگە ءالي جەرگىلىكتى جەردىڭ حالقىنا قىزمەت ەتەتىن، جۇمىسپەن قاماتاماسىز ەتۋ ءۇشىن اۋرۋحانا مەن بيزنەس ورتالىعىن تۇرعىزاتىنىن ايتتى. «اللا مەنىڭ ءومىرىمنىڭ از قالعانىن سەزىنۋ ءۇشىن، جالعان دۇنيەنى تاستاپ جالعىز ماڭگىلىك ومىرگە اتتاناتىنىمدى سەزىنۋ ءۇشىن بۇل اۋرۋدى ماعان سىيعا تارتتى. ماعان جاقسىلىق جاساۋدان ارتىق ەش نارسە كومەكتەسپەيدى »، – دەيدى مۇسىلمان جىگىت.