قازاقستاندىق دەپۋتاتتاردىڭ قىزمەت ورنىندا سمارتفون ۇستاۋىنا تىيىم سالىندى، - دەپ حابارلايدى «قامشى» پورتالى.
بۇل اقپاراتتى ماجىلىسمەندەردىڭ وزدەرى دە راستادى دەپ جازادى Tengrinews.kz.
دەپۋتات ولگا شيشيگينا بۇل تالاپ ءالى زاڭدى كۇشىنە ەنبەگەنىن، الايدا دەپۋتاتار قازىردەن وسى باعىتتا جۇمىس ىستەپ جاتقاندارىن ايتسا، دەپۋتات مەرۋەرت قازبەكوۆا دا بۇل جاڭالىقتان حاباردار ەكەنىن بىلدىرگەن.
«ءبىز بارلىعىمىز مۇنى ەسكەرۋىمىز كەرەك. جاقىن كۇندەرى عيماراتقا كەلگەندە، سمارتفوندارىمىزدى تومەندە قالدىرىپ كەتەتىن بولامىز. رەسمي قۇجات كورمەدىك، ءبىراق ەستىپ جاتىرمىز. بۇل دۇرىس دەپ ويلايمىن»، - دەيدى ول.
ەستەرىڭىزگە سالساق، ءساۋىر ايىنان باستاپ مەملەكەتتىك ورگانداردا سمارتوفن پايدالانۋعا تىيىم سالىناتىنىن جازعان بولاتىنبىز.
