قازاقستان-قىتاي شەكاراسىندا قازاقستاندىق كەدەنشىلەر ەلگە كەلە جاتقان قاريانىڭ اقشاسىن الىپ قويعانى تۋرالى حابار تارادى. بۇل تۋرالى «قامشى» پورتالى حابارلايدى.
اتالعان وقيعا تۋرالى فەيسبۋك الەۋمەتتىك جەلىسىندە گۇلىسحان دومالاي قىزى دەگەن قولدانۋشى دابىل قاقتى.
«قۇرمەتتى دوستار، زاڭگەرلەرمەن زيالى قاۋىم وكىلدەرى، مىنا ءبىر جاعدايعا قانداي كەڭەس بەرە الاسىزدار؟ قحر-دان جاسى الپىستى القىمداعان شال مەن كەمپىر قازاق ەلىنە كەلە جاتقان ماقساتى وسىنداعى ۇلىنا جەر ساتىپ اپەرمەكشى. شالدىڭ جانىندا 10 مىڭ دوللار جانە 200000 تەڭگە اقشا بولعان. ءبىزدىڭ كەدەنشىلەر، ياعني بەرىك دەگەن ازامات، قاريانى كەلەسى بولمەگە شاقىرىپ الىپ، اقشاسىن تاركىلەگەن. ايتقان ءۋاجى – شەتەلدەن اكەلە جاتقان اقشاعا دەكلاراتسيا تولتىرمادىڭ دەگەن سىلتاۋ. قازىرگە دەيىن ون نەشە كۇن بولسا دا، شال اقشاسىن قايتىپ الا الماعان. ول ازاماتتىڭ بەرگەن تاركىلەۋ تالونىندا مىنا نومەر بولعان 87751755074 بەرىك. ەندەشە بۇل اقشانى قانداي جولمەن قايتارىپ الۋعا بولادى؟ كەمپىرى ەكەۋىنىڭ 10 مىڭ دوللار كەدەننەن الىپ وتۋگە شىنىمەندە قاقىسى جوق پا؟ جاسى جەر ورتاسىنا كەلگەن اقسامايلى انا مەن اق ساقالدى اكەلەرىمىز ەلىنە ۇرپاعىن جەتكىزەمىن دەپ كەلىپ، كەدەندە تاقىرعا وتىرعان»، - دەپ جازادى ول.
