ەلباسى يران يسلام رەسپۋبليكاسىنىڭ پرەزيدەنتى حاسان رۋحانيمەن كەزدەستى، - دەپ حابارلايدى «قامشى» پورتالى قوردانىڭ باسپا ءسوز قىزمەتىنە سىلتەمە جاساپ.
ەكى ەل كوشباسشىلارى ح.ءرۋحانيدىڭ استاناعا 2014 جىلعى قىركۇيەكتەگى مەملەكەتتىك ساپارى كەزىندە قول جەتكىزىلگەن ۋاعدالاستىقتاردىڭ جۇزەگە اسىرىلۋ بارىسىن تالقىلادى.
سونداي-اق مەملەكەتتەر باسشىلارى ساۋدا-ەكونوميكا، ينۆەستيسيا، اۋىل شارۋاشىلىعى جانە كولىك-ترانزيت سالاسىنداعى ءوزارا ءىس-قيمىلدى نىعايتۋ ماسەلەلەرىن دە قوزعادى.
سونىمەن قاتار نۇرسۇلتان نازاربايەۆ پەن ح.رۋحاني وڭىرلىك جانە حالىقارالىق قاۋىپسىزدىككە قاتىستى وزەكتى جايتتار جونىندە پىكىر الماستى. قازاقستان پرەزيدەنتى ەلىمىز يرانمەن ءاردايىم دوستىق قارىم-قاتىناستا بولعانىنا نازار اۋداردى.
ح.رۋحاني نۇرسۇلتان نازاربايەۆتىڭ تەگەرانعا بۇگىنگى ساپارى قازاقستان-يران ىنتىماقتاستىعىنا تىڭ سەرپىن بەرەتىنىنە سەنىم ءبىلدىردى.
