20 ءساۋىر كۇنى «ادىرنا» ۇلتتىق-ەتنوگرافيالىق بىرلەستىگى» قوعامدىق قورىنىڭ ۇيىمداستىرۋىمەن الماتىداعى ع.مۇسىرەپوۆ اتىنداعى بالالار مەن جاسوسپىرىمدەر تەاترىندا بالۋان شولاق بايمىرزا ۇلىنىڭ جەكە شىعارماشىلىعىنان ءداستۇرلى ءان كەش وتەدى، - دەپ حابارلايدى «قامشى» پورتالى.

 «ادىرنا» ۇلتتىق-ەتنوگرافيالىق بىرلەستىگى» قوعامدىق قورى 2010 جىلدان بەرى ءداستۇرلى ان-كۇي كەشتەرىن ۇيىمداستىرۋمەن كەلەدى. ءبىرجان سال (2010)، اقان سەرى (2010)، مۇحيت (2011)، ۇكىلى ىبىراي (2012)، جاياۋ مۇسا (2013)، ساكەن سەيفۋللين (2014) اندەرىنەن جەكە-جەكە كونسەرتتەر، تاۋەلسىزدىك جولىندا قۇربان بولعان كومپوزيتورلار شىعارماشىلىعى بويىنشا «ازات رۋحتىڭ الداسپاندارى» (2012) كونسەرتى، جىلقى تۋرالى اندەر مەن كۇيلەرگە نەگىزدەلگەن «ءدۇلدۇل ءان مەن پىراق كۇي» (2014) اتتى كونسەرتتەر سونىڭ دالەلى.

«ۇلى دالا داۋىلپازدارى» جوباسىنىڭ اياسىندا، «ادىرنا» ۇلتتىق-ەتنوگرافيالىق بىرلەستىگى» قوعامدىق قورى 2016 جىلى، 20 ءساۋىر كۇنى الماتىداعى ع.مۇسىرەپوۆ اتىنداعى بالالار مەن جاسوسپىرىمدەر تەاترىندا بالۋان شولاق بايمىرزا ۇلىنىڭ جەكە شىعارماشىلىعىنان ءداستۇرلى ءان كەشىن وتكىزۋدى جوسپارلاپ وتىر» دەلىنگەن بىرلەستىك تاراتقان حابارلامادا.

كونسەرتتە بالۋان شولاق ومىرىنەن قىسقاشا قويىلىم كورسەتىلەدى. بەلگىلى رەجيسسەر ەسمۇقان وبايەۆتىڭ «جاۋجۇرەك» سپەكتالىنەن ءۇزىندى بەرىلمەك. ساحنا كوركەم كوكشەتاۋدىڭ اسەم تابيعاتى ۇلگىسىندە بەزەندىرىلەدى. كونسەرتتىڭ تاعى ءبىر باستى ەرەكشەلىگى – بالۋان شولاق بابامىزدىڭ مۇلدە بەيمالىم اندەرى تۇڭعىش رەت ۇلكەن ساحنادا ورىندالاتىن بولادى. ءان كەشىنە عالىم مۇحامەدين، جولامان قۇجيمانوۆ، رامازان ستامعازييەۆ، ەرلان تولەۋتاي، ەركىن شۇكىمانوۆ، تىلەۋلەس قۇرمانعالييەۆ، ەركىن نۇرحانوۆ، تالعات مۇقىشيەۆ، سايان اقمولدا، نۇرگۇل اكىمقوجينا، تالعات ءابۋعازى، «ارناۋ» فولكلورلىق ءانسامبلى، سايات نۇرعازين، جاسۇلان ساقايەۆ جانە تاعى باسقا ونەرپازدار قاتىسادى. 

ۇيىمداستىرۋشىلاردىڭ بايلانىس تەلەفونى: 87007779086، جولامان قۇجيمانوۆ 87773661210، ەرلان تولەۋتاي 87013249471

ەل.پوشتا: adyrna@bk.ru