كورىسۋ — باتىس قازاقستان ايماعىندا عانا ساقتالعان ەجەلگى ءداستۇر. جاڭا جىلدى بايباقتى قازىبەك كۇنتىزبەسى بويىنشا قارسى الاتىن ايماق تۇرعىندارى 14 ناۋرىزدى «كورىسۋ (ياعني قاۋىشۋ) كۇنى» دەپ تە اتايدى. بۇل كۇنى اۋىل تۇرعىندارى ەرتە تۇرىپ، ەلەڭ-الاڭنان جاسى ۇلكەن ادامدارعا سالەم بەرەدى. كورشى-كولەم بىر-بىرىنە «جاسىڭ قۇتتى بولسىن!»، «جاسىڭا جاس قوسىلىپ، ءعۇمىرىڭ ۇزاق بولعاي!» دەپ تىلەك ايتادى. كورىسۋ كۇنى بۇرىنعى وكپە-رەنىش كەشىرىلىپ، ارازدىق ۇمىتىلادى، كورشى-كولەم ءبىر-بىرىن ىيەكە اسىنا شاقىرش، مەيمانداردىڭ وتباسىنا، اعايىن-تۋىستارىنا اماندىق-ساۋلىق، قۇت-بەرەكە تىلەيدى. كورىسۋ — تەك ادامداردىڭ بىر-بىرىنە امانداسىپ، جاقسىلىق تىلەيتىن قاۋىشۋ مەرەكەسى عانا ەمەس، سونداي-اق جاسى ۇلكەندەرگە ىزەت كورسەتىپ، ءىلتيپات بىلدىرەتىن ءداستۇرلى كورىنىس. ويتكەنى، كورىسۋ سالتى ءبىر كۇننىڭ اياسىمەن شەكتەلىپ قالمايدى، جىل بويى جالعاسا بەرەدى. بۇل مەرەكەنى امال مەيرامى دەپ  تە  اتايدى.  جىل  قۇتتى بولسىن، اعايىن!

نازارلارىڭىزعا ءامىرجان قوسانوۆتىڭ ىزگى تىلەكتەرمەن ورىلگەن مىنا ولەڭىن  ۇسىنىپ وتىرمىز...

جاڭا جىلداي جاڭارتار بولمىستى كىم؟

جاراتامىن ناۋرىزداي جىل باسىنمەن! باتىس! شىعىس! وڭتۇستىك! سولتۇستىگىم! كورىسەيىك، قانەكەي! ءبىر جاسىڭمەن!