الماتىداعى «اقكەنت» تۇرعىن ءۇي كەشەنىنىڭ بىرنەشە تۇرعىنى باسپاناسىن بوساتۋ تۋرالى سوت ورىنداۋشىلارىنىڭ تالابىن العان. الاياقتارعا الدانعان تۇرعىندار تۇرعىن ءۇي كەشەنىن سالعان «Ayt Housing Complex» كومپانياسىنىڭ الدىندا قارىزعا بەلشەدەن باتىپ وتىر، - دەپ جازادى «قامشى» پورتالى ratel.kz – كە سىلتەمە جاساپ.

ratel.kz كومپانيا پاتەر سوماسىن ءبولىپ تولەۋ تۋرالى مىندەتتەمە الىپ 500 شاقتى وتباسىن «اقكەنت» تۇرعىن ءۇي كەشەنىنە ورنالاستىرعانىن جازادى. تۇرعىندار، كۇن وتكەن سايىن اي سايىنعى تولەمدەرىنىڭ 50-60 مىڭ تەڭگەگە ارتىپ كەلگەنىن، بۇگىندە ولاردان اي سايىن 300 مىڭ تەڭگە تولەۋ تالاپ ەتىلىپ وتىرعانىن ايتادى.

ال، 11 ءساۋىر كۇنى سوت ورىنداۋشىلارى اي سايىنعى تولەمگە شاماسى كەلمەيتىندەردىڭ پاتەرلەرىن بوساتۋىن تالاپ ەتكەن. بۇعان نارازى بولعان تۇرعىنداربۇگىن  «Ayt Housing Complex» ج ش س كەڭسەسىنىڭ جانىندا بەيبىت ميتينگ ۇيىمداستىردى. ميتينگكە «اقكەنتتە» تۇراتىن كەلىنشەكتەر كەلگەن. ول جەردە كوپ ايالداماعان تۇرعىندار الماتى اكىمدىگىنىڭ الدىنا باردى. قولدارىنا «بايبەك، كومەكتەس! Stop ۆىسەلەنيۋ!» دەگەن ءوتىنىش جازىلعان پلاكات ۇستاعان كەلىنشەكتەرگە قالا اكىمدىگىنڭى اپپارات جەتەكشىسى مۇرات سەمبەكوۆ پەن اكىمنىڭ ءتۇرعىن-ۇي قاتىناستارىنا جاۋاپتى ورىنباسارى رۋميل تاۋفيكوۆ شىعىپ، سويلەستى.

تۇرعىنداردىڭ ءوتىنىشىن تىڭداپ، جاعدايلارىمەن اۋىزشا تانىسقان رۋميل تاۋفيكوۆ ەشكىم «اقكەنتتىكتەردى» پاتەرلەرىنەن شىعارا المايتىنىن اشىپ ايتقان.

«سىزدەردى ەشكىم (پاتەرلەرىڭىزدەن – رەد.) شىعارا المايدى! بۇل مەنىڭ جانە قالا اكىمىنىڭ ءسوزى. شىعارۋعا ارەكەتتەنىپ كورسىن... سىزدەر ءبىزدىڭ ازاماتتارىمىزسىزدار!»، - دەپ تۇرعىنداردىڭ كوڭىلىندەگى كۇدىكتى سەيىلتتى.

اكىمدىك كەشەندى سالعان قۇرىلىس كومپانياسى مەن تۇرعىنداردى ءبىر ستول باسىنا جيناپ، ماسەلەنىڭ ءمان-جايىن انىقتاۋعا كىرىسىپ كەتتى.