استاناداعى مامانداندىرىلعان حالىققا قىزمەت كورسەتۋ ورتالىعىندا الاياقتار كولىكتەردىڭ مەملەكەتتىك تىركەۋ نومىرلەرىنىڭ «VIP» ۇلگىلەرىن ارزان باعاعا ساتىپ كەلگەن. ءقازىر پوليسيا الاياقتاردىڭ قىزمەتىن پايدالانعان ازاماتتاردىڭ ناقتى سانىن انىقتاۋدا، - دەپ حابارلايدى «قامشى» پورتالى كتك ارناسىنا سىلتەمە جاساپ.

تەلەارنانىڭ حابارلاۋىنشا، ءۇش بىردەي سانداردان تۇراتىن كولىك نومىرلەرىن الاياقتار جالعان تۇبىرتەكتەر ارقىلى ساتىپ كەلگەنىن حابارلاپ وتىر.

جالعان قۇجات جاساۋدى ەرلى-زايىپتى ەكەۋ بىرنەشە اي بويى تابىس كوزىنە اينالدىرىپ كەلگەن. ولار سول حقكو عيماراتىنىڭ ىشىندە قولعا تۇسكەن.

قىلمىسكەرلەردى قۇرىقتاۋ وپەراسياسى ول ەكەۋدىڭ بىرنەشە سىبايلاسى بولعانىن انىقتاپ وتىر. ۇيىمداسقان توپ ادەتتە 500000 تەڭگەگە ساتىلۋى ءتيىس «001»، «777»، «999» سىندى نومىرلەردى جالعان تۇبىرتەك جاساۋ ارقىلى ازاماتتارعا ارزان باعاعا ساتىپ كەلگەن.

ارنا بىلتىر حقكو جەتى جۇزدەن استام وسىنداي كولىك نومىرلەرىن ساتقانىن، ولاردىڭ قانشاسى جالعان تۇبىرتەكپەن ساتىلعانى بەلگىسىز دەپ وتىر.

ەلدى الداعان ەكەۋ ۇيدە وتىرىپ «VIP» نومىرلەردىڭ قۇجاتتارىن قولدان جاساپ كەلگەن. ال، سىبايلاستارى قىمبات ءنومىر العىسى كەلەتىن كليەنتتەردى تاۋىپ بەرىپ وتىرعان.