قىرىمداعى جاعدايدى قۇلشىنا قاراپ وتىرىپ، مىناداي سۇراق تۋدى. رەسەيشىل سەپاراتيستەر ۇستاپ جۇرگەن جۇزدەگەن رەسەي تۋلارى، جۇزدەگەن مەتر جورانىڭ جولاقتارى تاۋەلسىز ەلدە قالاي پايدا بولدى؟ ولاردى تۇندەلەتىپ، قولىنا ينە-جىپ الىپ، كويلەگىن جىرتىپ، ەش قىرىم تۇرعىنىنىڭ تىكپەگەنى انىق. 30 مەترلىك تۋلاردى ۇستاپ تۇرعانداردى دا كوردىك. نە بولسا دا ۋكرايناداعى جاعدايدان بارلىق قازاق ساباق الۋى ءتيىس. ەلدەگى وزگە ەلدەردىڭ بايراقتارى مەن تۋلارىنىڭ كەڭىنەن تارالۋىنا، الداعى 9 مامىر كۇنىنە وراي باستالاتىن "جورانىڭ جولاقتارىن" تاراتۋعا، "رەسەي"، "كسرو" دەگەن كيىمدەردى كيۋگە، ولاردىڭ ەمىن-ەركىن ساتىلۋىنا تىيىم سالۋ كەرەك. سونى ۇنەمى تالاپ ەتۋ قاجەت. ۇياتتىسى سول، كەزىندە بىرنەشە وبلىس اكىمشىلىگى بيۋدجەتتەن اقشا ءبولىپ، وسى "جورانىڭ جولاقتارىن" جاساتىپ، تاراتقانى بەلگىلى. اتىراۋ سياقتى وبلىستار سەپاراتيستىك باعىتتاعى ۇيىمداردى شاقىرتىپ، قوناق قىلىپ، ناسيحاتتاپ، باس الاڭداردى قولدان بەرىپ جاتتى. ساقتىقتا قورلىق جوق دەگەن. قازاق ۇلتشىلدارىنىڭ ايتا-ايتا مەزى قىلعان تاقىرىپتارىنىڭ بارلىعى سايىپ كەلگەندە شىندىققا اينالىپ جاتىر. ۇلت مۇددەسى، مەملەكەت تۇتاستىعى، تاۋەلسىزدىگى ماسەلەسىنە كەلگەندە جالپاقشەشەيسىپ، ءمۇلايىمسۋدىڭ ەش قاجەتى جوق. ايبارلان الاش!