بەلگىلى  تاۋەلسىز ساياساتكەر مۇحتار  تايجان  فب پاراقشاسىندا ءوزىنىڭ ساياساتتان كەتەتىنى  تۋرالى جۇرتشىلىقتى  حاباردار  ەتتى.  جانە مۇنداي شەشىمىنىڭ  ءمانىسىن ءتۇسىندىرۋ  ماقساتىندا  باسپا ءسوز ءماسليحاتىن ۇيىمداستىرماق. ول: "قۇرمەتتى دوستار! ەرتەڭ، 18.03.14.، سەيسەنبى ساعات 11.00-دە مەن باسپا ءسوز ءماسليحاتىن وتكىزەمىن. تاقىرىبى - "مەن بەلسەندى ساياساتتان نەگە كەتەمىن؟"  وتكىزىلەتىن ورنى: الماتى، اۋەزوۆ 82، (اباي كوشەسىنەن جوعارى)، 605 كەڭسە، مودەراتور: قاسىم امانجول ۇلى" دەپ قىسقا قايىرىپتى.

    ەستەرىڭىزگە  سالا كەتەيىك،  بارلىق قوعامدىق ساياسي ماسەلەلەرگە مۇحتار  تايجان ءوزىنىڭ اشىق  تا وتكىر  ويلارىن تايسالماي  ايتىپ،  حالىققا وي  سالۋعا ات سالىسىپ جۇرگەن  ەدى. مۇحتار تايجان بىلتىرعى جىلى "انتيگەپتيل قوزعالىسىن" قۇردى. ۋكرايناداعى مايدانعا بارىپ، قاتىستى. شەڭگەلدىدەگى وقيعانى باستان-اياق قاداعاپ،  قازاق  ازاماتىن قولدادى. ءتۇرلى  ميتينگىلەرگە  قاتىسىپ،  ۇنەمى حالىقتىڭ  قاسىنان  تابىلىپ ءجۇردى. سوڭعى كەزدە، ءىرى  كولەمدە ايىپپۇل دا  العان ەدى. سوعان قاراماستان، كۇرەسىپ جۇرگەن  ساياساتكەردىڭ بۇل  شەشىمى تۇسىنىكسىزدەۋ بولىپ  وتىر.

ال،  جۇرت بۇعان ءار ءتۇرلى ءۋاج ايتۋدا.  ماسەلەن، مۇرات  وتارباي: " بەلسەندى ساياساتكەرلەردىڭ نە بولعانى بەلگىلى عوي... بۇل ويىڭدى قولدايمىن! ءبىزدىڭ قوعامدا باسىڭدى جارتاسقا ۇرعانمەن نە تاباسىڭ؟ ۋاقىتتى كەلەر ءالى" دەسە، بوستاندىق اڭساعان ەسىمدى ازامات:  "سوڭىنان ەرەتىن قولى جوق بولسا ەندى ءقايتسىن؟ دۇرىس مۇحتاردىكى. جالعىز ءوزى قاشانعى شابادى؟"  دەگەن ەكەن...