ءاز-ناۋرىز  كەلىپ  قالدى. جايما-شۋاق كوكتەمنىڭ 5 كۇنىن ۇكىمەت مەيرام دەپ بەلگىلەدى. جاڭا  جىلدى ۇلان-اسىر ەتىپ تويلايتىن  بىزدەر  ناۋرىزعا كەلگەندە توسىرقاپ  قالاتىنىمىز راس.  سەبەبى، مەيرام ۇيىمداسپاعان، شاشىراڭقى، "جوسپارلى" كونسەرتتەرمەن عانا شەكتەلىپ  قالادى.  ۇلتتىق جاڭا  جىلىمىزدى "جەتىمقىزدىڭ" تويىنداي  وتكىزبەي، ءوز  دارەجەسىندە تويلاۋ - ءسىز بەن ءبىزدىڭ  ەركىمىزدە.  سوندىقتان،  استانالىقتار ءۇشىن مەرەكەلىك كۇندەر كۇنتىزبەسىن  نازارلارىڭىزعا  ۇسىنىپ وتىرمىز...  

مەرەكە 21 ناۋرىز كۇنى باستالادى. بۇل كۇنى ساعات 10.00 -16.00 «قازاق ەلى» مونۋمەنتى الدىنداعى الاڭدا - حالىقتىق سەرۋەن، تەاترلاندىرىلعان قويىلىم وتەدى. كەشكە جاقىن مەرەكەلىك كونسەرتكە جالعاسادى دەپ كۇتىلۋدە...

ناعىز مەرەكە كۇنى، ياعني 22 ناۋرىزدا استانا قالاسىنىڭ بارلىق الاڭدارى جيىن، تويعا تولى بولادى. ساعات 10.00-16.00 قالالىق ەسكى  الاڭدا جانە «وتان قورعاۋشىلار» مونۋمەنتىنىڭ الدىنداعى الاڭدا حالىقتىق سەرۋەن مەن مەرەكەلىك كونسەرت، ال «كوكتال»، «ءوندىرىس»، «پريگورودنىي»، «ۇركەر»، «ينتەرناسيونالنىي» ءتۇرعىنۇي الاپتارىندا ساعات 10.00-14.00 حالىقتىق سەرۋەن مەن مەرەكەلىك كونسەرت وتەدى.

«اتامەكەن» قازاقستان كارتاسى» ەتنو-مەموريالدىق كەشەنى دە ءوز كەلۋشىلەرىن ناۋرىزبەن قۇتتىقتايدى. مۇندا «ناۋرىز مەيرامى» ءىس-شاراسى 10.00 دە باستالادى.

ساعات 11.00 «دۋمان» ويىن-ساۋىق كەشەنىندە مۇگەدەك جانە جەتىم بالالارعا ارنالعان ءىس-شارا وتەدى.

ال،  ساعات 16.00 بەيبىتشىلىك جانە كەلىسىم سارايىندا قازاقستاننىڭ وڭىرلەرىنەن كەلگەن شىعارماشىلىق ۇجىمداردىڭ كونسەرتى وتەدى. مەرەكەنىڭ شارىقتاۋى ساعات 19.00 قالالىق الاڭداعى مەرەكەلىك كونسەرت پەن جاستارعا ارنالعان بي كەشى بولادى.

23 ناۋرىزدا «قازاقستان» وكز ساعات 17.00 قازاقستاندىق ەسترادا جۇلدىزدارىنىڭ قاتىسۋىمەن قايىرىمدىلىق كونسەرتىمەن ەرەكشەلەنبەك.

ال، 24 ناۋرىز كۇنى ساعات 19.00 كونگرەسس-حوللعا بارساڭىز «الداراسپانعا»، «قازاقستان» وكز بارا قالساڭىز، سەكەن تۇرىسبەكوۆتىڭ «اق جاۋىن» وركەسترىنىڭ كونسەرتىنە تۋرا تۇسەسىز.

25 ناۋرىزدا كونگرەسس-حوللدا پەريزات تۇراروۆانىڭ جەكە كونسەرتى، ال 26 ناۋرىزدا ساعات 19.00 كونگرەسس-حوللدا «نۇر ساۋلەم-اي» ءانسامبلىنىڭ مەرەكەلىك كونسەرتى. كونگرەسس حولل ءتورى بوسامايتىن قۇتتى شاڭىراق ەكەنىن وسىدان اق ۇعا بەرسەڭىز بولادى.

بۇدان باسقا، تولىپ جاتقان مەرەكەلەر "حان شاتىر"، "كەرۋەن" سەكىلدى ويىن ساۋىق ورتالىقتارىندا دا وتە بەرەدى. ءبىز تەك ۇلكەن  ۇلكەن مەرەكەلىك شارالارعا عانا توقتالدىق. استانادا كۇن جىلى بولسا، اسپان اشىق بولسا مەرەكە ەمەس جاي كۇندەردىڭ ءوزى كەرەمەت وتەتىنىن ەسكەرسەك، مۇنداي مەيرام كۇندەرى ارۋ قالامىز ءتىپتى جايناپ تۇرادى جەپ سەندىرگىمىز كەلەدى. بارشاڭىزعا ءساتتى دەمالىس كۇندەر تىلەيمىن، ناۋرىز قۇت بەرەكەسىمەن كەلسىن!

نازەركە سۇلتانبەك،

ق ر كۇرەس فەدەراسياسىنىڭ باسپا ءسوز حاتشىسى