جامبىل وبلىسىنىڭ باسشىلىعى وڭىردەگى سۋ تاسقىنىنا قارسى شارالاردى قاتاڭ باقىلاۋعا الدى. بۇگىندە بارلىق سۋ قويمالارى بويىنشا سۋدىڭ جينالۋى 60-70%-دى قۇرايدى.
«قازىرگى تاڭدا سۋ تاسقىنى ءقاۋپىن جويۋ بويىنشا بارلىق سۋ قويمالارى مەن بوگەندەردە تاۋلىك بويى كەزەكشىلىك ۇيىمداستىرىلدى. سونداي-اق جامبىل وبلىسى بويىنشا توتەنشە جاعدايلار جونىندەگى دەپارتامەنت كۇن سايىن اقپارات بەرىپ وتىرادى. توتەنشە جاعدايدى الدىن الۋ ماقساتىندا 9 دانا قاجەتتى تەحنيكا ساتىپ الىندى»، - دەلىنگەن حابارلامادا.
وڭىردە بيىلعى جىلدىڭ 6 ناۋرىزىندا «كوكتەم-2014» وقۋ-جاتتىعۋى ءوتتى. بۇعان قىرعىزستان رەسپۋبليكاسى تالاس وبلىسى بويىنشا تجم باسقارمانىڭ جەدەل توبى دا قاتىستى. «بيىل وبلىس بيۋدجەتىنەن 300،9 ملن تەڭگە قاراجات ءبولىنىپ وتىر. بۇل اقشا 10 سۋ قويماسى مەن بوگەندى، سونداي-اق 49 كانال مەن گيدروتەحنيكالىق جابدىقتاردى اعىمداعى جوندەۋدەن وتكىزۋگە جۇمسالادى. سونىمەن بىرگە، تج-نى جويۋ مەن ەسكەرتۋگە وبلىس بويىنشا 150،0 ملن تەڭگە سوماسىندا قاراجات قاراستىرىلدى»، - دەپ اتاپ وتىلگەن حابارلامادا. حابارلانعانداي، بۇگىندە تاراز قالاسى مەن اۋدان اكىمدىكتەرىنىڭ بارلىق كۇشتەرى مەن قۇرالدارى بولىپ قالۋى مۇمكىن سۋ تاسقىنى ءقاۋپىن جويۋعا تولىعىمەن دايىن. ججم، ينەرتتى جانە باسقا دا ماتەريالداردىڭ جەتكىلىكتى قورى جاسالدى. اتاپ وتسەك، جامبىل وبلىسىندا 117 سۋ قويماسى مەن بوگەن بار.BNews.kz
