قازاقستاندىق فەرمەرلەر ەلباسىنىڭ جەر زاڭنامالارىنا موراتوريي ەنگىزۋ تۋرالى باستامالارىن قولدايدى، - دەپ حابارلايدى Qamshy.kz 24.kz-كە سىلتەمە جاساپ.

«جەر كودەكسىنىڭ ءبىرقاتار نورماسىنا بايلانىستى موراتوريي جاريالاي وتىرىپ، ەلباسى حالىق پىكىرىمەن ساناساتىن ءارى الىستى ويلايتىن ساياساتكەر ەكەنىن كورسەتتى»، - دەيدى تالدىقورعاندىق فەرمەر شامبۇلاي وسكەنبايەۆ.

ونىڭ پىكىرىنشە، جەر ماسەلەسى ءالى دە حالىققا ءجىتى ءتۇسىندىرىلۋى ءتيىس. وعان بايىپتىلىقپەن قاراۋ كەرەك، ءتىپتى اگرارلىق سالانىڭ ايتۋلى ماماندارىمەن اشىق تالقىلاعان ءجون. 

شامبۇلاي وسكەنبايەۆ، شارۋا قوجالىعىنىڭ جەتەكشىسى:

- ەلباسىنىڭ موراتوريي جاريالاۋ تۋرالى شەشىمىن ءوز باسىم وتە دۇرىس دەپ ەسەپتەيمىن. جەر ماسەلەسى كۇردەلى نارسە. حالىقپەن اقىلداسقان جاقسى. ويلانۋعا دا ۋاقىت بولادى ەندى.