ەلىمىزدە جاڭا وقۋ جىلىنان باستاپ 1 سىنىپ وقۋشىلارى جاڭارتىلعان باعدارلاما بويىنشا ءبىلىم الادى، - دەپ حابارلايدى Qamshy.kz 24.kz-كە سىلتەمە جاساپ.
بۇل تۋرالى شىمكەنتتە مەكتەپ ديرەكتورلارىمەن جۇزدەسكەن ءبىلىم جانە عىلىم ءمينيستىرىنىڭ ورىنباسارى تاكير بالىقبايەۆ ايتتى. سالا باسشىسى ءبىلىم بەرۋ باعدارلاماسىنا ەنگىزىلگەن وزگەرىستەر وقۋشىنىڭ ءوي-ورىسى مەن قارىم-قابىلەتىن ارتتىرۋعا تىڭ سەرپىن بەرەتىنىن جەتكىزدى. قاناتقاقتى جوبا بۇعان دەيىن ەلىمىز بويىنشا 30 مەكتەپتە سىناقتان وتكىزىلگەن. ونىڭ ەكەۋى –وڭتۇستىكتە. جاڭا تالاپقا ساي ءبىلىم العان وقۋشىلار ءوز ويىن ساۋاتتى سارالاپ قانا جاڭا اقپاراتتىق تەحنولوگيامەن جۇمىس ىستەۋدى مەڭگەرىپ شىعادى. سونىمەن بىرگە بيىل ۇبت-دان سۇرىنگەن تۇلەكتەر سىناقتى اقىلى نەگىزدە قايتا تاپسىرۋعا مۇمكىندىك الىپ وتىر. تاكير بالىقبايەۆتىڭ ايتۋىنشا، ەلىمىزدە جىلىنا 20 مىڭداي تۇلەك قاجەتتى بالدى جيناي الماي قالادى. وعان قوسا كەشەندى تەستىلەۋدەن 80%-ى سۇرىنەدى. «سوندىقتان ءبىلىم سالاسىنداعى تىڭ وزگەرىستەردىڭ بارلىعى جاس ۇرپاق پەن جارقىن بولاشاق قامى»، - دەيدى پەداگوگتار.
شولپان بەيسەنبايەۆا، شىمكەنت قالاسىنداعى م.ح.دۋلاتي اتىنداعى گيمنازيا ديرەكتورى:
- بالا ءوزىن باسقاشا سەزىنۋى كەرەك. بالانىڭ ءبىلىمى تەك قانا جاتتاۋدا ەمەس، بالانىڭ ءبىلىمى فۋنكسيونالدىق ساۋاتتىلىقتى ارتتىرۋى كەرەك. بالا تەك ءبىلىم الماي، سول ءبىلىمىن تاجىريبەمەن قالاي بايلانىستىرادى، سوعان كوپ كوڭىل ءبولىپ، سول باعىتتا جۇمىس ىستەۋىمىز كەرەك.
تاكير بالىقبايەۆ، ق ر ءبىلىم جانە عىلىم ءمينيسترىنىڭ ورىنباسارى:
- بيىلعى جىلى ءبىز ۇبت-نى تابىستى تاپسىرا الماي قالعان جاستار ءۇشىن تامىز ايىندا قوسىمشا تاعى دا تەست وتكىزەتىن بولدىق. تامىز ايىنىڭ باسىندا ارنايى كوميسسيا رەسپۋبليكالىق ارنايى ماماندىق بويىنشا گرانتتاردىڭ ءبارىن ءبولىپ قويادى. سول سەبەپتى تامىز ايىندا تاپسىراتىن بالالار اقىلى تۇردە وقيتىن بولادى. سوندىقتان ءبىز ولارعا بيىل جوو-عا تۇسۋگە تاعى دا ءبىر مۇمكىندىك بەرەمىز.
