«ەرلەردىڭ جەتىستىگى ايەلگە بايلانىستى» دەگەن حالىق دانالىعى. پرەزيدەنتتىڭ جەتىستىگى – ءبىرىنشى حانىمنىڭ كۇيەۋىن باپتاپ، جاعدايىن جاساپ، قولىنان كەلگەنشە قولداۋىنا بايلانىستى. سونداي-اق ءبىرىنشى حانىم قوعامدا قىز-كەلىنشەكتەرگە جاقسى ۇلگى بولادى. Comede.kz سايتى تمد ەلدەرىندەگى ءبىرىنشى  حانىمدار تۋرالى قىزىقتى مالىمەتتەر جينادى.

مارينا پوروشەنكو

ۋكراينانىڭ ءبىرىنشى حانىمى مارينا پوروشەنكو – كارديولوگ-دارىگەر، مەديسينا عىلىمدارىنىڭ كانديداتى (تاۋەلسىز ۋكرايناداعى العاشقى ديسسەرتاسيانىڭ اۆتورى).  ول ءوز ۋاقىتىندا وتباسىلىق ءومىرى مەن بالا تاربيەسى ءۇشىن مانساپ جولىنان باس تارتقان. پوروشەنكولاردىڭ وتباسىندا 4 بالا بار، ۇلكەنى الەكسەي 29 جاستا، ەگىز قىزدارى ەۆگەنيي مەن الەكساندرا 14 جاستا، كەنجەسى ميحايل 13 جاستا.

مارينا «ءبىرىنشى حانىم» دەگەن تەرميندى ۇناتپايدى. «مەن وسى ءسوزدى مۇلدە ۇناتپايمىن. ول ءبىر بولەكتەنۋ سياقتى. مەن جولداسىما كومەكتەسۋگە دايىنمىن، ەڭ باستىسى وسى. كۇن سايىن سايىن تۋىندايتىن ماسەلەلەردە كۇيەۋىمە كومەكتەسۋگە، ماسەلەنى شەشۋگە بىلەك سىبانا كىرىسەمىن، - دەيدى مارينا پوروشەنكو.

ليۋدميلا پۋتينا

ليۋدميلا پۋتينانىڭ ەسىمىن ءارقاشان نازاردا ۇستاۋعا ءتيىسپىز. ەڭ العاشقى سەبەپ، ونىڭ رەسەي پرەزيدەنتى ۆلاديمير ءپۋتيننىڭ جارى بولعاندىعى. سوڭعى ۋاقىتتا ۇلكەن دۇربەلەڭ تۋعىزعان تاقىرىپ، ونىڭ ساياسي قايراتكەرمەن اجىراسۋى بولدى.  پۋتيندەر 30 جىل وتاسقان وتباسى.

ليۋدميلا پۋتينا بالا كەزىنەن اكترەلىك ماماندىقتى ارمانداعان، ءبىراق كالينينگراد تەحنيكالىق ينستيتۋتىنا وقۋعا تۇسكەن. ەكى جىل وقىعان سوڭ، كالينينگراد اۆياوتريادىنىڭ ستيۋاردەسسا كاسىبىنە اۋىسادى. كوكتەگى كەمەنىڭ ىشكى رەيستەرىنە ۇشتى. دەگەنمەن، تەاتر ونىڭ ومىرىندە ۇلكەن ءرول اتقاردى.  ول ومىرلىك قوساعى ۆلاديمير پۋتينمەن تەاتر كاسساسىنىڭ الدىندا تانىسادى.

رەسەيدىڭ ءبىرىنشى حانىمى قايىرىمدىلىق پەن ءبىلىم بەرۋ جۇيەسىنە ارالاستى. ليۋدميلا پۋتينا  ورىس ءتىلىن دامىتۋ ورتالىعىنا جەتەكشىلىك ەتىپ، ءبىلىم بەرۋ رەفورماسىن تالقىلاۋعا قاتىستى. سونداي-اق،پسيحولوگياداعى ەرلەر مەن ايەلدەردىڭ قارىم-قاتىناسىنا ءمان بەرەدى. ليۋدميلا رەسەيدىڭ ءبىرىنشى حانىمى رەتىندە اقش، گەرمانيا، فرانسيا مەن كوپتەگەن باتىس ەلدەرىنىڭ دەلەگاسياسىن قابىلدادى. ول سونىمەن قاتار، الەمنىڭ كوپتەگەن ەلدەرىنە رەسەي ازاماتتارى ىشىندە، ودان تىسقارى جەرلەردە مەملكەتتىك سىياقىلار ءبولدى. 

مەحريبان الييەۆا

مەحريبان الييەۆا مەديسينالىق ۋنيۆەرسيتەتتىڭ ستۋدەنتى بولا ءجۇرىپ، ءازىربايجاننىڭ بولاشاق پرەزيدەنتىنە تۇرمىسقا شىقتى. الييەۆ وسى ايەلدىڭ ارقاسىندا ءوزىنىڭ سونشالىقتى تابىستى مانسابىن جاسادى. «مەن جيىرما جىل گەيدار الييەۆتەي ازاماتتىڭ قاسىندا ءومىر ءسۇرىپ كەلەم. ءبىز وتباسىمىزبەن ءاردايىم بىرگە بولدىق، جانە ءبىز ونىڭ بارلىق قيىن جىلدارى مەن باقىتتى ساتتەرىندە ونىمەن بىرگەمىز» دەيدى مەحريبان.

مەحريبان بارلىعىنا ۇلگەرۋگە تىرىسادى. ول ءۇش بالانىڭ اناسى عانا ەمەس، كورنەكتى قوعام قايراتكەرى، بۇۇ مەن يۋنەسكو-نىڭ ەلشىسى، سونداي-اق، گەيدار الييەۆ اتىنداعى قوردىڭ پرەزيدەنتى بولدى. ءتۇرلى قىزمەتتەردى اتقارعان ءازىربايجاننىڭ ءبىرىنشى حانىمى ءاردايىم تاماشا، ايىرىقشا كەلبەتتى كورىنەتىن. ول ءوزىنىڭ 50 جاسىندا دا ادەمى ءمۇسىنىن ساقتاعان، قالىڭ شاشتى پرەزيدەنتتىڭ ايەلىنە كەز-كەلگەن ارۋ قىزىعا قارايدى.

ريتا سارگسيان

ارمەنيانىڭ ءبىرىنشى حانىمى اسىرەسە ساياسي قىزمەتتەرگە ونشا قىزىقپادى. ريتا سارگسيان قايىرىمدىلىق اكسيالارى  مەن ارميان مادەنيەتىن ىلگەرىلەتۋگە اتسالىستى. 

سارگسيان حانىم ءوزىنىڭ كاسىبي مانسابىن مۋزىكادان وقىتۋشى رەتىندە باستادى. ونىڭ بۇگىنگى قىزمەتى وسىلاي باستالدى. ءبىرىنشى حانىم ءجيى كونسەرتتەر ۇيىمداستىرىپ، تۇرمىسى تومەن جانە كوپ بالالى وتباسىلارعا، جەتىمدەر مەن مۇگەدەكتەرگە ارناپ شارالار وتكىزەدى.

رايسا اتامبايەۆا

قىرعىزستاننىڭ ءبىرىنشى حانىمى رەسەيدە ۋرال دەگەن جەردە تۋعان. كەڭەس وداعى كەزىندە وشقا كوشىپ كەلگەن. ول وسىندا لومونوسوۆ اتىنداعى ورتا مەكتەپتى ءبىتىرىپ، باستاۋىش سىنىپتاردى اعىلشىننان وقىتادى. 

رايسا اتامبايەۆا – مەديسينا عىلىمدارىنىڭ كانديداتى، ول كوپشىلىك ورتادا بەلسەندى جۇرەدى، قايىرىمدىلىقپەن اينالىسادى.

اتامبايەۆتاردىڭ ەكى بالاسى بار، ۇلى قادىر تۇركيادا وقيدى. قىزى ءاليا 10 سىنىپ وقۋشىسى.

تاتيانا كاريموۆا

تاتيانا كاريموۆا – وزبەكستان پرەزيدەنتى يسلام كاريموۆتىڭ ەكىنشى ايەلى.  تاتيانا اكبار قىزى – ەكونوميكا عىلىمدارىنىڭ كانديداتى، وزبەكستاننىڭ ەكونوميكا ينستيتۋتى عىلىم اكادەمياسىندا اعا عىلىمي قىزمەتكەر بولدى. قوعامدىق قىزمەتپەن دە قاتار اينالىستى. 

تاتيانا كاريموۆا ءبىرىنشى حانىم قۇقىعىمەن ەرلى-زايىپتىلاردىڭ بارلىق رەسمي ءىس-شارالارىنا قاتىسادى. كوپتەگەن دەرەك كوزدەرى سۇيەنسەك، تاتيانا اكبار قىزى ەل باسقارۋعا دا تىكەلەي قاتىسادى.

كاريموۆتەردىڭ ەكى قىزى بار. ۇلكەنى گۇلنار – گارۆارد تۇلەگى، ساياساتتانۋشى، كاراتەدەن قارا بەلبەۋ يەگەرى. ءسىم كەڭەسشىسى (وزبەكستاننىڭ ماسكەۋدەگى ەلشىلىگىنىڭ كەڭەسشىسى قىزمەتىنىڭ جۇمىس تاجىريبەسى بار). كىشىسى لولا تاشكەنت ۋنيۆەرسيتەتىنىڭ الەمدىك ەكونوميكا جانە ديپلوماتيا  ماماندىعىن بىتىرگەن.

ازيزمو اسادۋللايەۆا

تاجىكستاننىڭ ءبىرىنشى حانىمى الەم جۇرتشىلىعىنىڭ الدىندا وتە قۇپيا جان. ول تۋرالى رەسمي اقپاراتتار جوق، بۇقارالىق اقپارات قۇرالدارى جازبايدى.

ازيزمو اسادۋللايەۆا قابىلداۋلاردا سيرەك بولادى، ءتىپتى كۇيەۋىنە ەرىپ ەشقاشان ساپارلاماعان. ازيزمو – توعىز بالانىڭ اناسى، جەتى قىز، ەكى ۇلى بار. قىزدارىنىڭ ءبىرى فيرۋزا دۋشانبە ورتالىعىندا دۇكەندەر جەلىسىنىڭ مەڭگەرۋشىسى. تاعى ءبىر قىزى پارۆينا مەدينيسينا ۋنيۆەرسيتەتىندە وقيدى. ال كىشى بالالارى تاجىك استاناسىنداعى پرەزيدەنت ليسەيىندە وقيدى.

مارگارەتا تيموفتي

مارگارەتا تيموفتي – مولدوۆا پرەزيدەنتى نيكولاي ءتيموفتيدىڭ جارى. ول كىتاپحانا ءىسى فاكۋلتەتىن بىتىرگەن، ۇزاق جىلدار كىتاپحاناشى بولىپ جۇمىس ىستەگەن. ءقازىر يونا كريانگە اتىنداعى ەلوردالىق بالالار كىتاپحاناسىندا قوعاممەن بايلانىس ءبولىمىنىڭ باسشىسى بولىپ قىزمەت اتقارادى. 

مارگارەتا تيموفتي ءبىرىنشى حانىم رەتىندە ءبىرقاتار الەۋمەتتىك، ءبىلىم بەرۋ جانە مادەني جوبالارعا قاتىسادى.  سونىمەن قاتار، مارگارەتا «SOS Autism» ايەلدەر كلۋبىنىڭ مولداۆا قاۋىمداستىعى پرەزيدەنتى، «Angelus Moldava» مەديسينالىق-الەۋمەتتىك قايىرىمدىلىق قورىنىڭ تەڭ ءتوراعاسى قىزمەتتەرىن اتقارادى.

سارا نازاربايەۆا

سارا نازاربايەۆا قاراعاندى مەتاللۋرگيا كومبيناتىندا ءبىلىم العان. وقۋىن اياقتاعان سوڭ «قاراعاندىكومىر» ءوندىرىس ورنىندا جۇمىس ىستەدى. 

قازاقستان رەسپۋبليكاسى «ۇلت ليدەرىنىڭ» جۇبايى سارا نازاربايەۆا قايىرىلىمدىلىقپەن بەلسەندى اينالىسادى. ونىڭ قورى 15 جىل بويى بالالاردى قوعام مەن ادامگەرشىلىككە رۋحاني تاربيەلەۋمەن اينالىسىپ كەلەدى. ءبىرىنشى حانىم شاڭعى جانە ءجۇزۋ سپورت تۇرلەرىمەن، حالىق اندەرىن ايتۋمەن اۋەستەنەدى.

بۇگىندە سارا نازاربايەۆانىڭ «ءوزىن-وزى تانۋ» اۆتورلىق جوباسى ادامگەرشىلىك پەن ۇلتتىق رۋحاني قۇندىلىقتاردى جاڭعىرتۋدا. بۇل جوبا ءبىلىم بەرۋ جۇيەسىندە: بالاباقشادا، مەكتەپتەردە، ۋنيۆەرسيتەتتەردە وقىتۋعا ەنگىزىلدى.