الماتىدا بىرنەشە نىسانعا نۇقسان كەلتىرگەن ءورت تىركەلدى، - دەپ حابارلايدى Qamshy.kz. بۇل تۋرالى جاڭا عانا الماتى قالالىق تجد رەسمي وكىلى ساندۋعاش بايمۇحانبەتوۆا حابارلادى. بۇگىن الماتىدا تۇندە «كوروۆابار» ءدامحاناسىن ءورت شىققان. ءورتتىڭ جالپى اۋماعى 1100 شارشى مەتردى قۇراعان. 

ءورت تۋرالى حابار ديسپەچەر پۋلتىنە 10 مامىردا 04.37-دە تۇسكەن. ءبىرىنشى بولىمشە جەتى مينۋت وتكەندە، 04.44-تە جەتكەن. "كوروۆا بار" كافەسىنەن ءورت شىعىپ، جەتى قاباتتى ءۇيدىڭ سىرتقى بەتى مەن "يۋبيلەينىي" دۇكەنىنە تارالعان. ءورتتى سوندىرۋگە تارتىلعان كۇش جاعداي بارىسىندا كوبەيدى. ءورتتى سوندىرۋمەن قاتار ءۇيدىڭ كەلەسى بەتىنەن ادامداردى ءقاۋىپ ءتونىپ تۇرعان كىرەبەرىستەرىنەن شىعارۋ جۇمىستارى جۇرگىزىلگەن. "ءورتتى ءسوندىرۋ كەزىندە گاز باللونى جارىلدى، بۇل ورتسوندىرۋشىلەردىڭ باسىن قاتەرگە بايلايتىن جاعداي. ابىروي بولعاندا، ەشكىم قازا تاپپادى، ەشكىم زارداپ شەكپەدى"، - دەپ حابارلادى يمانقۇلوۆ.

ءمالىم بولعانىنداي، تۇرعىن ۇيگە جاپسارلاس سالىنعان «كوروۆابار» كافەسىن ءورت شالعان. ءورتتىڭ اۋماعى شامامەن 800 شارشى مەتردى قۇراعان. سوعان بايلانىستى، قوسىمشا ءورت ءسوندىرۋشى بولىمشەلەر شاقىرىلدى. ارتىنشا، تۇرعىن ۇيلەردىڭ تۇرعىندارى ءقاۋىپسىز ايماققا شىعارىلا باستادى. 

 «بارلىعى 7 ادام قۇتقارىلىپ، 120 ادام ەۆاكۋاسيالاندى. ولاردىڭ ىشىندە ءۇش بالا بار. ءبىر ادام ۋىتتى گازعا ۋلانۋ نىشانىمەن اۋرۋحاناعا جاتقىزىلدى. باسقالاي زارداپ شەككەندەر مەن قۇربان بولعاندار جوق. ءتىلسىز جاۋدى جويۋعا ءورت ءسوندىرۋ قىزمەتىنىڭ جەكە قۇرامىنان 115 ادام مەن 21 ارنايى تەحنيكا، سونداي-اق، جەرگىلىكتى پوليسيا قىزمەتكەرلەرى، جەدەل مەديسينالىق جاردەم دارىگەرلەرى، كوممۋنالدىق قىزمەتتەردىڭ قىزمەتكەرلەرى جۇمىلدىرىلدى.  ءورت تاڭعى ساعات 05:52-دە اۋىزدىقتالىپ، 06 ساعات 36 مينۋتتا تولىعىن ءسوندىرىلدى. ءورتتىڭ جالپى اۋماعى - 1100 شارشى مەتردى قۇرادى»، - دەدى س. بايمۇحانبەتوۆا.